వైవాహిక జీవితంపై యాంకర్ సుమ షాకింగ్ కామెంట్స్...
cinema | Suryaa Desk | Published : Mon, May 02, 2022, 09:14 PM
ప్రముఖ టాలీవుడ్ యాంకర్ సుమ కనకాల త్వరలోనే వెండితెరపై సందడి చేయనున్నారు. ఆమె ప్రధానపాత్రలో నటించిన జయమ్మ పంచాయితీ మే 6న విడుదల కాబోతుంది. ఇటీవలనే ఈ మూవీ ప్రీ రిలీజ్ ఈవెంట్ కూడా చాలా గ్రాండ్ గా జరిగింది. కింగ్ నాగార్జున, నాచురల్ స్టార్ నాని ముఖ్య అతిథులుగా పాల్గొని ఈ సినిమాకు తగినంత ప్రొమోషన్ చేసారు. ప్రచార కార్యక్రమాల్లో భాగంగా ఒక ఇంటర్వ్యూలో మాట్లాడిన సుమ రాజీవ్ కనకాల తో 23ఏళ్ళ వైవాహిక జీవితంపై ఆసక్తికర వ్యాఖ్యలు చేసారు. రాజీవ్ కనకాల, సుమ ల మధ్య విభేదాలు తలెత్తాయని, వేర్వేరుగా కూడా ఉంటున్నారని గతంలో జోరుగా ప్రచారం జరిగింది. ఈ మేరకు సుమ చేసిన తాజా వ్యాఖ్యలు ఆ వార్తలన్నిటికీ చెక్ పెట్టినట్టయింది. ఆమె ఏమన్నదంటే " 23 ఏళ్ళ మా వైవాహిక జీవితం ఎంతో సాఫీగా, సంతోషంగా సాగుతుంది. మాపై రూమర్లు, విడాకుల వదంతు వచ్చినప్పుడు రాజీవ్ తో కలిసి దిగిన ఫోటోలు, వీడియోలను సోషల్ మీడియాలో అప్లోడ్ చేస్తుంటా. ఇలా చెయ్యటం వల్ల అలాంటి రూమర్లు కొంతవరకైనా తగ్గుతాయని. సెలెబ్రిటీలు, ముఖ్యంగా సినీరంగంలో వున్నవారిపై రకరకాల రూమర్లు వస్తుండటం సహజం. కొత్తలో అలాంటి వదంతుల వల్ల మానసిక బాధ కలిగినా, ఆ తర్వాత అలవాటై పోయింది." అని సుమ చెప్పుకొచ్చారు. అయితే ... సుమ నటించిన జయమ్మ పంచాయితీ ని విజయ కలివరపు డైరెక్ట్ చేసారు. ఎం. ఎం కీరవాణి సంగీతం అందించారు. విలేజ్ కామెడీ డ్రామాగా మే 6న ప్రేక్షకుల ముందుకు రాబోతుంది.
|
|