అడవి శేష్ 'హిట్ 2' మూవీ రిలీజ్ డేట్ ఫిక్స్...

వైవిధ్యభరిత కధాకధనాలతో కూడిన సినిమాలు చెయ్యటంలో టాలీవుడ్లో ది బెస్ట్ ఎవరంటే అడివి శేష్ అని చెప్పొచ్చు. ఒక పక్క సహాయనటుడిగా చేస్తూనే మరోపక్క హీరో గా కూడా ప్రయత్నించాడు. ఈ క్రమంలో శేష్ చేసిన గూఢచారి, క్షణం, ఎవరు వంటి సినిమాలు కమర్షియల్ గా హిట్ అవ్వడమే కాక క్రిటిక్స్ మన్ననలను కూడా అందుకున్నాయి. దీంతో శేష్ తో సినిమాలు చెయ్యటానికి నిర్మాతలు వెనుకాడటం లేదని టాలీవుడ్ టాక్. ప్రస్తుతం శేష్ మేజర్ చిత్రాన్ని తన ఊపిరిలా భావించి ప్రాణం పెట్టి తీసాడు. తాజ్ హోటల్ దాడుల నేపథ్యంలో సాగే ఈ చిత్రం జూన్ 3న ప్రేక్షకుల ముందుకు రాబోతుంది. 

 శేష్ నటించిన మరో చిత్రం హిట్: ది సెకండ్ కేస్. శైలేష్ కొలను దర్శకత్వంలో, క్రైం థ్రిల్లర్ గా రూపొందుతున్న ఈ చిత్ర షూటింగ్ త్వరలోనే ముగియనున్నదట. ఇందులో మీనాక్షిచౌదరి హీరోయిన్ కాగా, సీనియర్ నటుడు భాను చందర్ కీలక పాత్ర పోషిస్తున్నాడు. వాల్ పోస్టర్ సినిమా బ్యానర్ పై నాని, ప్రశాంతి త్రిపురనేని ఈ చిత్రాన్ని నిర్మిస్తున్నారు. తాజాగా ఈ మూవీ విడుదల తేదీని ప్రకటిస్తూ ఒక కొత్త పాస్టర్ ను విడుదల చేసారు చిత్రబృందం. జూలై 29 నుండి థియేటర్లలో హిట్ 2 సందడి మొదలు కానుంది. పోస్టర్ చాలా ఇంటెన్స్ ఎమోషన్తో, ఆసక్తికరంగా ఉంది. పర్ఫెక్ట్ క్రైం ఇన్వెస్టిగేషన్ తో ప్రేక్షకుల ముందుకు వచ్చిన హిట్ ఫస్ట్ పార్ట్ ఎంత పెద్ద హిట్టయ్యిందో అందరికి తెలుసు. శైలేష్ కొలను టేకింగ్ హిట్ సినిమాకు పెద్ద దన్నులా నిలిచింది. మరి ఇప్పుడు ఈ సిరీస్ లో రాబోతున్న సెకండ్ పార్ట్ కి ప్రేక్షకుల నుండి ఎలాంటి రెస్పాన్స్ వస్తుందో చూడాలి.