ఈ వారం OTTలో ప్రసారానికి అందుబాటులోకి రానున్న టైటిల్స్

రాధేశ్యామ్: టాలీవుడ్ యంగ్ రెబెల్ స్టార్ ప్రభాస్ నటించిన 'రాధేశ్యామ్' సినిమా మార్చి 11న విడుదలైంది. రాధాకృష్ణ డైరెక్షన్ లో వచ్చిన ఈ రొమాంటిక్ లవ్ స్టోరీ లో ప్రభాస్ సరసన సిజ్లింగ్ బ్యూటీ పూజాహెడ్గే జంటగా నటించింది. రాధేశ్యామ్ సినిమా ఏప్రిల్ 1వ తేదీ నుండి అమెజాన్ ప్రైమ్ వీడియోలో తెలుగు, తమిళం, మలయాళం అండ్ కన్నడ భాషలలో ప్రసారానికి అందుబాటులో ఉంది. లేటెస్ట్ అప్డేట్ ప్రకారం, 'రాధేశ్యామ్' హిందీ డబ్బింగ్ వెర్షన్ మే 4 నుండి నెట్‌ఫ్లిక్స్‌లో ప్రసారం కానుందని సమాచారం. యువి క్రియేషన్స్ ఈ హై బడ్జెట్ సినిమాని నిర్మిస్తుంది. ఈ పీరియడ్ రొమాంటిక్ డ్రామాకి జస్టిన్ ప్రభాకరన్ సంగీతం అందించారు.

మ్యాన్ ఆఫ్ ది మ్యాచ్: డి సత్య ప్రకాష్ దర్శకత్వం వహించిన 'మ్యాన్ ఆఫ్ ది మ్యాచ్' దివంగత పునీత్ రాజ్‌కుమార్ తన హోమ్ బ్యానర్ PRK ప్రొడక్షన్స్‌పై నిర్మించారు. ఈ సినిమా మే 5వ తేదీన అమెజాన్ ప్రైమ్ వీడియోలో ప్రపంచవ్యాప్తంగా ప్రసారం కానుందని సమాచారం.

స్టార్ ట్రెక్: స్ట్రేంజ్ న్యూ వరల్డ్స్ సీజన్ 1: ఈ సిరీస్ స్టార్ ట్రెక్: ది ఒరిజినల్ సిరీస్‌కి ప్రీక్వెల్. మే 5 నుండి వుట్ లో ప్రసారం చేయబడుతుంది.

దొంగాట: ఫహద్ ఫాసిల్ జాతీయ అవార్డు గెలుచుకున్న 'తొండిముత్యాలు దృక్సాక్షియుమ్' సినిమా మే 6 నుండి ఆహాలో దొంగాటగా ప్రసారం కానుంది.

సాని కాయిదం: అరుణ్ మాథేశ్వరన్ దర్శకత్వంలో నేషనల్ అవార్డు విన్నింగ్ యాక్ట్రెస్ కీర్తి సురేష్ 'సాని కాయిదం' అనే చిత్రంలో నటిస్తుండగా, ఈ సినిమాకి  తెలుగులో 'చిన్ని' అనే టైటిల్ ని మూవీ మేకర్స్ లాక్ చేసారు. మే 6, 2022 ఈ సినిమా అమెజాన్ ప్రైమ్ వీడియోలో ప్రసారానికి అందుబాటులోకి రానుంది. ఈ సినిమాకి సామ్ సిఎస్ సంగీతం అందించారు.

ఝుండ్: నాగరాజ్ పోపాత్రరావు మంజులే దర్శకత్వంలో బాలీవుడ్ బిగ్ బి అమితాబ్ బచ్చన్ నటించిన 'ఝుండ్' సినిమా మే 6 నుండి ZEE5లో ప్రసారానికి అందుబాటులోకి రానుంది.