ప్రభాస్ 'సాలార్' టీజర్కు సంబంధించిన లేటెస్ట్ అప్డేట్
cinema | Suryaa Desk | Published : Tue, May 03, 2022, 02:01 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమా 2023 ఏప్రిల్ లేదా జూన్లో విడుదల కానుంది. ఈ యాక్షన్ ఎంటర్టైనర్ సినిమాలో గోపీ, జగపతిబాబు, పృథ్వీరాజ్ సుకుమారన్ కీలక పాత్రలో కనిపించనున్నారు. లేటెస్ట్ అప్డేట్ ప్రకారం, ఈ నెల చివరి వారంలో ఈ సినిమా ట్రైలర్ ని మూవీ మేకర్స్ విడుదల చేయనున్నట్లు సమాచారం. ఈ ట్రైలర్ ప్రభాస్ అభిమానులకు మాస్ ఫీస్ట్ అవుతుంది అని వార్తలు వినిపిస్తున్నాయి. 'సాలార్' షూటింగ్ మరికొద్ది రోజుల్లో ప్రారంభం కానుంది. ప్రభాస్ మళ్లీ సెట్స్పైకి వచ్చిన తర్వాత సాలార్ టీజర్ వర్క్స్ ప్రారంభం కానున్నాయి అని లేటెస్ట్ టాక్. రవి బస్రూర్ ఈ సినిమాకి సంగీతం అందిస్తున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|