సూపర్ స్టార్ పై చెయ్యి చేసుకున్న కీర్తి సురేష్
cinema | Suryaa Desk | Published : Tue, May 03, 2022, 06:34 PM
సూపర్ స్టార్ మహేష్ బాబు హీరోగా తెరకెక్కిన 'సర్కారు వారి పాట' సినిమా మే 12న విడుదల కానుంది. పరుశురామ్ ఈ సినిమాకు దర్శకత్వం వహించారు. మహేష్ సరసన కీర్తి సురేష్ జోడీగా నటించింది. సోమవారం విడుదలైన ఈ సినిమా ట్రైలర్కు ప్రేక్షకుల నుంచి విశేష స్పందన లభిస్తోంది. ఇదిలా ఉండగా ఈ సినిమాకు సంబంధించి హీరోయిన్ కీర్తి సురేష్ కీలక విషయాన్ని పంచుకుంది. ఓ ఛానల్తో మాట్లాడుతూ సినిమా చిత్రీకరణలో అనుకోకుండా తన వైపు తప్పిదం చోటు చేసుకుందన్నారు. పొరపాటుగా పాట చిత్రీకరణలో మహేష్ చెంపపై తాను కొట్టానని చెప్పింది. దీనిపై తాను వెంటనే ఆయనకు సారీ చెప్పానని తెలిపింది. దానిని ఆయన చాలా తేలిగ్గా తీసుకున్నారని, అందులో తప్పేమీ లేదని సర్ది చెప్పారని పేర్కొంది.
మహేష్కు ఆ విషయంలో మూడు సార్లు సారీ చెప్పానని, అప్పటికీ తన మనసులో ఏదో తప్పు చేశాననే భారం ఉందని చెప్పింది. సూపర్ స్టార్ అయినా మహేష్ బాబు చాలా సింపుల్గా ఉంటారని కితాబిచ్చింది. దర్శకుడు పరశురామ్ స్క్రిప్ట్ చెప్పగానే వెంటనే ఓకే చెప్పేసానని తెలిపింది. తన పాత్రను దర్శకుడు చాలా అద్భుతంగా తీర్చిదిద్దారని వివరించింది. సినిమా విడుదల కోసం ఎంతో ఉత్కంఠగా ఎదురు చూస్తున్నట్లు తెలియజేసింది. ఇక ఈ సినిమాకు సంబంధించి థమన్ అందించిన బాణీలు, నేపథ్య సంగీతం విశేషంగా ఆకట్టుకుంటున్నాయి. మహేష్ బాబు అభిమానులు తమ హీరోకు మరో భారీ హిట్ దక్కుతుందనే ఉత్సాహంలో ఉన్నారు.
|
|