మరో రీమేక్ కి పవన్ గ్రీన్ సిగ్నల్? ఆ స్టార్ రైటర్ కు స్క్రిప్ట్ పనులప్పగింత?
cinema | Suryaa Desk | Published : Tue, May 03, 2022, 11:24 PM
రాజకీయాల కోసం సినిమాల నుండి కొంత విరామం తీసుకుని, తిరిగి సినిమాల్లోకి వచ్చిన దగ్గర నుండి పవర్ స్టార్ స్ట్రయిట్ తెలుగు సినిమాల కన్నా రీమేక్ సినిమాల పైనే ఎక్కువ దృష్టి పెడుతున్నారు. బాలీవుడ్ సూపర్ స్టార్ అమితాబ్ బచ్చన్ నటించిన పింక్ సినిమాని తెలుగులో వకీల్ సాబ్ గా రీమేక్ చేసి ఘనవిజయం సాధించారు పవన్. అలానే ఇటీవల పవన్ నటించిన కొత్త చిత్రం భీమ్లానాయక్. ఈ సినిమా కూడా మలయాళ సూపర్ హిట్ చిత్రం అయ్యప్పనం కోషియం కు తెలుగు రీమేక్. ఈ సినిమా ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు. తాజాగా అందుతున్న సమాచారం ప్రకారం, పవన్ మరో రీమేక్ లో నటించటానికి గ్రీన్ సిగ్నల్ ఇచ్చారట. సముద్రఖని డైరెక్ట్ చేసిన వినోదయ సిత్తం ను తెలుగులో రీమేక్ చెయ్యాలనుకుంటున్నారట పవన్. అందుకు సంబంధించి స్క్రిప్ట్ బాధ్యతలను మరో స్టార్ రైటర్ సాయి మాధవ్ బుర్రా కు పవన్ అప్పగించారని చిత్రవర్గ సమాచారం. ప్రస్తుతం పవన్-క్రిష్ జాగర్లమూడి కాంబోలో ఎంతో ప్రతిష్టాత్మకంగా తెరకెక్కుతున్న హరిహర వీరమల్లు కు కూడా సాయి మాధవ్ స్క్రిప్ట్ పనులను చూసుకుంటున్నారు. తెలుగులో కూడా సముద్రఖని దర్శకత్వం చేసే అవకాశం ఉంది. అయితే ఈ వార్తపై ఎటువంటి అధికారిక ప్రకటన లేదు.
|
|