'డేగల బాబ్జీ'లో నా నటవిశ్వరూపం చూస్తారు: బండ్ల గణేష్
cinema | Suryaa Desk | Published : Wed, May 04, 2022, 09:05 AM
ప్రముఖ సినీ నిర్మాత, నటుడు బండ్ల గణేష్ హీరోగా నటించిన సినిమా 'డేగల బాబ్జీ' ఈ నెల 20న విడుదల కానుంది. నేషనల్ అవార్డు పొందిన తమిళ చిత్రం 'ఉత్త సిరుప్పు సైజు 7'ను తెలుగులోకి అనువదిస్తున్నారు. ఈ సినిమా గురించి బండ్ల గణేష్ కీలక వ్యాఖ్యలు చేశారు. సినిమా మొత్తం తన క్యారెక్టర్ మాత్రమే కనిపిస్తుందని, మిగిలిన క్యారెక్టర్ల వాయిస్ మాత్రమే వినిపిస్తుందని చెప్పారు. తన నిజ జీవితానికి ఈ సినిమా అద్దం పడుతుందని, ప్రేక్షకులు ఖచ్చితంగా ఎంజాయ్ చేస్తారని పేర్కొన్నారు. తమ చిత్రం ట్రైలర్ విడుదల చేసిన పూరి జగన్నాథ్కు, పోస్టర్ విడుదల చేసిన హరీష్ శంకర్కు ఆన ధన్యవాదాలు తెలిపారు.
తనను దర్శకుడు వెంకటచంద్ర హీరోగా పెట్టి సినిమా తీశాడని, రెండు గంటల సేపు తననే ఓ గదిలో చూపిస్తూ అద్భుతంగా తెరకెక్కించాడని ప్రశంసించారు. ఈ సినిమా చూసిన వారు తన నటన పట్ల ఆశ్చర్యపోవడం ఖాయమన్నారు. ఈ సినిమాకు దర్శకుడిగా వెంకట్ చంద్ర, సంగీత దర్శకుడుగా లైనస్ వ్యవహరించారు. రిషి అగస్త్య సమర్పణలో యష్ రిషి ఫిలిమ్స్ పతాకంపై స్వాతి చంద్ర ఈ సినిమాను నిర్మించారు.
|
|