నెక్స్ట్ ప్రాజెక్ట్ ని హోల్డ్ లో పెట్టిన నాచురల్ స్టార్.... ఇమేజ్ మార్చుకునే ఉద్దేశంతోనే ఇలా?

నాచురల్ స్టార్.... పక్కింటబ్బాయి తరహా పాత్రల్లో ఒదిగిపోయి హ్యూజ్ ఫ్యాన్ బేస్ ను సంపాదించుకున్న సెల్ఫ్ డిపెండెంట్ హీరో. నాని కి ఫ్యామిలీ ఆడియన్స్, యూత్, ఆఖరికి చిన్నపిల్లల్లో కూడా మంచి క్రేజ్ ఉంది. ఆయన కామెడీ టైమింగ్, నాచురల్ యాక్టింగ్, డైలాగ్ డిక్షన్ .... ఇలా అన్నీకూడా పర్ఫెక్ట్ గా ఉంటాయి. ఈ ట్యాలెంట్ తో మొదట్లో నాని నటించిన సినిమాలన్ని మంచి విజయం సాధించాయి. అయితే ఇటీవల వచ్చిన V, టక్ జగదీష్ చిత్రాలు ప్రేక్షకులను మెప్పించలేకపోయాయి. దీంతో రూటు మార్చి శ్యామ్ సింగ రాయ్ గా ప్రేక్షకుల ముందుకొచ్చి సూపర్ డూపర్ హిట్ కొట్టాడు. తిరిగి సక్సెస్ ట్రాక్ లోకొచ్చిన నాని నుండి వరసగా రెండు సినిమాలు రానున్నాయి. వివేక్ ఆత్రేయ డైరెక్షన్లో చేస్తున్న అంటే సుందరానికి, శ్రీకాంత్ ఓదెల డైరెక్షన్లో దసరా... ఈ రెండు సినిమాలు కూడా ఈ ఏడాదే విడుదలకానున్నాయి. 

అంటే సుందరానికి చిత్రంలో మలయాళ భామ నజ్రియా నాజిమ్ తో కలిసి కామెడీని పండించటానికి సిద్ధమయ్యాడు నాని. ఫ్యామిలీ కామెడీ ఎంటర్టైనర్ గా రూపొందుతున్న ఈ చిత్రం జూన్ 10న విడుదల కాబోతుంది. అయితే నాని రొటీన్ పాత్రనే పోషిస్తున్నట్టుంది. తన క్లాస్ ఇమేజ్ ను మాస్ ఇమేజ్ గా మార్చాలనుకొని చేసిన దసరా మూవీ పై నాని భారీ అంచనాలు పెట్టుకున్నాడు. ఎందుకంటే, ఈ సినిమాలో తొలిసారి నాని ఫుల్ మాస్ అవతార్ లో కనిపిస్తున్నాడు. ఇందుకోసం తన లుక్ ను పూర్తిగా మార్చేశాడు కూడా. భగభగమండే ఎండలను సైతం లెక్క చెయ్యకుండా గోదావరిఖని బొగ్గుగనుల్లో షూటింగ్ చేస్తూ తెగ కష్టపడుతున్నాడు. ఈ సినిమా కొచ్చే టాక్ ను బట్టి, ప్రేక్షకులు తనను ఔటండౌట్ మాస్ యాక్షన్ ఫిలిం లో ఎంతవరకు యాక్సెప్ట్ చెయ్యగలరో చూసి ఆ తర్వాతనే తన తదుపరి సినిమాను చేద్దామని భీష్మించుకు కుర్చున్నాడట. మరి నాని మాస్ ఇమేజ్ కల నెరవేరుతుందా? చూద్దాం.