లావణ్యా త్రిపాఠి న్యూ మూవీ 'హ్యాపీ బర్త్ డే' రిలీజ్ డేట్ ఖరారు
cinema | Suryaa Desk | Published : Thu, May 05, 2022, 01:22 PM
2019లో వచ్చిన 'మత్తు వదలరా' చిత్రం సూపర్ డూపర్ హిట్ అయ్యింది. ఈ చిత్రంతో దర్శకుడిగా రోహిత్ రాణా పేరు టాలీవుడ్ లో మారు మోగిపోయింది. రెండేళ్ల విరామం తర్వాత రోహిత్ నుండి వస్తున్న మరో చిత్రం హ్యాపీ బర్త్ డే. హీరోయిన్ లావణ్యా త్రిపాఠి మెయిన్ లీడ్ రోల్ లో నటిస్తుంది. ఇటీవలనే షూటింగ్ కంప్లీట్ చేసుకున్న ఈ చిత్రం తాజాగా విడుదల తేదీని ప్రకటించింది. జూలై 15వ తేదీన ఈ మూవీ ని విడుదల చేయబోతున్నట్టు ఒక స్పెషల్ పోస్టర్ తో తెలిపారు. ఈ పోస్టర్లో ఎంతో సంతోషంగా ఎగురుతున్న లావణ్య చేతిలో రెండు తుపాకీలు, ఆమెను టార్గెట్ చేస్తూ చుట్టూ ఉన్న కమాండోల తుపాకీలున్నాయి. పోస్టర్ ప్రేక్షకుల దృష్టిని ఆకర్షిస్తుంది. దీంతో సినిమాపై ప్రేక్షకుల్లో పాజిటివ్ బజ్ క్రియేట్ అవుతుంది. మైత్రీ మూవీ మేకర్స్ నిర్మిస్తున్న ఈ చిత్రంలో నరేష్ అగస్త్య, సత్య, వెన్నెల కిషోర్ కీలక పాత్రలు పోషిస్తున్నారు. మత్తు వదలరా చిత్రానికి సంగీతం అందించిన మహతి స్వరసాగర్ ఈ చిత్రానికి కూడా సంగీతం అందిస్తున్నారు.
|
|