ఇండియన్ సినిమా వీరప్పన్ అంటూ ప్రశాంత్ నీల్ పై ఆర్జీవీ ప్రశంసల జల్లు
cinema | Suryaa Desk | Published : Thu, May 05, 2022, 01:29 PM
2018లో కన్నడలో చిన్న సినిమాగా విడుదలైన కేజీఎఫ్ ఇండియన్ సినిమా హిస్టరీలో సెన్సేషన్ క్రియేట్ చేస్తుందని ఎవరు అనుకుని ఉండరు. యావత్ భారతదేశ సినీ ప్రపంచం ఒక్కసారిగా కన్నడ పరిశ్రమ వైపు చూసేలా చేసిన ఒకేఒక వ్యక్తి కేజీఎఫ్ దర్శకుడు ప్రశాంత్ నీల్. ఆయన దర్శకత్వంలో వచ్చిన కేజీఎఫ్ సినిమా ఒక ఫ్రాంచైజీగా మారి ప్రపంచ సినీప్రేక్షకులకు భారతీయ సినిమా రుచి చూపించింది. మరి ఇలాంటి దర్శకుడిపై ఇప్పటికే పలువురు సినీ దిగ్గజాలు, సినీ సెలెబ్రటీలు ప్రశంసలు కురిపించగా తాజాగా ఈ లిస్టులో వివాదాస్పద దర్శకుడు రామ్ గోపాల్ వర్మ కూడా చేరారు. ఏదైనా ఒక విషయంపై మిగిలిన అందరి అభిప్రాయాలూ వేరు. ఆర్జీవీ అభిప్రాయం వేరు. ఏ విషయాన్నైనా సరికొత్త రీతిలో చూడగల సత్తా ఆర్జీవీ సొంతం. కానీ కేజీఎఫ్ విషయంలో మాత్రం అందరితోపాటే నేను అంటూ ప్రశాంత్ పై ప్రశంసల వర్షం కురిపించాడు. ప్రశాంత్ ను ఇండియన్ సినిమా వీరప్పన్ అంటూ కొనియాడాడు. మూస ధోరణిలో సినిమాలు తీసుకుని బ్రతికే 95శాతం మందికి కేజీఎఫ్ నచ్చలేదని, అలాంటి వారిని ఇండస్ట్రీ నుండి బయటకు నెట్టేసి, సరికొత్త పరిశ్రమకు జీవం పోశారని ప్రశాంత్ ను పొగడ్తలతో ముంచెత్తాడు. కేజీఎఫ్ 2 తో మిగిలిన చిత్ర పరిశ్రమ దర్శకులకు గుండెల్లో గుబులు రేగిందని, అలాంటి వారికి ప్రశాంత్ మంచి కనువిప్పు కలిగించారని ఆర్జీవీ పేర్కొన్నారు. రీ షూటింగులు, స్క్రిప్ట్ మార్పులు అంటూ కొంతమంది డైరెక్టర్లు వృధా చేస్తున్న డబ్బుతో సినిమా తీసి దానికి రెట్టింపు డబ్బును ప్రశాంత్ సంపాదించారని ఆర్జీవీ అభిప్రాయపడ్డారు.
|
|