కాఫీ షాప్ సిబ్బందికి ఉచితంగా సినిమా టికెట్లను పంచిన స్టార్ హీరోయిన్...
cinema | Suryaa Desk | Published : Fri, May 06, 2022, 09:44 PM
బాలీవుడ్ స్టార్ హీరోయిన్ మృణాల్ ఠాకూర్ చేసిన ఒక పనికి నెటిజన్ల ప్రశంసలు అందుకుంటుంది. బాలీవుడ్ జనాలు మృణాల్ మంచి మనసుకు జోహార్లు చెప్తున్నారు. ఇంతకీ ఆమె ఏం చేసిందో తెలుసుకుందామా... ముంబైలో మృణాల్ తరచుగా వెళ్లే కాఫీ షాప్ సిబ్బందికి, తన కొత్త సినిమా జెర్సీ టికెట్లను ఉచితంగా పంచి పెట్టింది. సదరు కాఫీ షాప్ సిబ్బందికి తన నటన అంటే ఎంతో ఇష్టమనీ, తనపై ఎంతగానో ఆదరాభిమానాలు చూపించేవారనీ మృణాల్ చెప్పుకొచ్చింది. అలాంటివారికి గొప్పగా నేనేమి చెయ్యలేకపోయినా, నాకు చేతనైనంత వరకు నేను చేశానంటూ పేర్కొంది. 'నా సినిమాలంటే ఎంతో అభిమానించే ఆ కాఫీ షాప్ సిబ్బందికి జెర్సీ సినిమా చూడాలనుంది. అందుకే వారందరికోసం ఫ్రీ గా టికెట్లు బుక్ చేశానంటోంది' ఈ భామ.
తెలుగులో నాని నటించిన జెర్సీ మూవీని హిందీలో రీమేక్ చేసిన విషయం తెలిసిందే. హిందీ జెర్సీ లో షాహిద్ కపూర్, మృణాల్ ఠాకూర్ జంటగా నటించారు. ఇటీవలనే విడుదలైన ఈ సినిమా ప్రేక్షకుల అంచనాలను అందుకోవడంలో విఫలమైంది.
|
|