ట్రెండింగ్
బాక్సాఫీస్ వద్ద సమంత, అఖిల్తో పోటీపడనున్న నితిన్
cinema | Suryaa Desk | Published : Mon, May 09, 2022, 12:54 PM
MS రాజశేఖర్ రెడ్డి దర్శకత్వంలో టాలీవుడ్ హీరో నితిన్ ఒక సినిమా చేస్తున్న సంగతి అందరికి తెలిసిందే. ఈ సినిమాకి 'మాచర్ల నియోజకవర్గం' అనే టైటిల్ ని మేకర్స్ ఖరారు చేసారు. ప్రస్తుతం ఈ సినిమా షూటింగ్లో బిజీగా ఉన్నారు. ఈ సినిమాలో నితిన్ ఐఏఎస్ ఆఫీసర్ (గుంటూరు జిల్లా కలెక్టర్)గా నటిస్తున్నాడు. నితిన్ సరసన ఈ సినిమాలో కృతిశెట్టి అండ్ కేథరిన్ త్రెసా హీరోయిన్లుగా నటిస్తున్నారు. తాజాగా మూవీ మేకర్స్ ఈ సినిమా ఆగష్టు 12, 2022న విడుదలవుతుందని ప్రకటించారు. సమంత 'యశోద' మరియు అఖిల్ 'ఏజెంట్' తో ఈ సినిమా బాక్సాఫీస్ వద్ద పోటీపడనుంది. పొలిటికల్ ఎలిమెంట్స్తో పక్కా మాస్ అండ్ కమర్షియల్ ఎంటర్టైనర్గా రానున్న ఈ సినిమాని ఆదిత్య మూవీస్తో కలిసి శ్రేష్ట్ మూవీస్ నిర్మించింది. మహతి స్వర సాగర్ ఈ చిత్రానికి సంగీత అందిస్తున్నారు.
|
|