అత్యధిక థియేటర్లలో విడుదలవుతున్నచిత్రాల జాబితాలో సర్కారోడి స్థానం ఎక్కడంటే?
cinema | Suryaa Desk | Published : Wed, May 11, 2022, 01:32 PM
గీతగోవిందం ఫేమ్ పరశురామ్ డైరెక్షన్లో సూపర్ స్టార్ మహేష్ బాబు నటిస్తున్న చిత్రం సర్కారువారిపాట. కీర్తి సురేష్ కథానాయిక. థమన్ సంగీత దర్శకుడు. మే 12 విడుదల కాబోతున్న ఈ చిత్రం కోసం మహేష్ అభిమానులు వేకళ్ళతో ఎదురు చూస్తున్నారు. ఈ సినిమా ట్రెండ్ సెట్టర్ పోకిరి ని తలపిస్తుండటమే ఇందుకు కారణం. మహేష్ యాటిట్యూడ్, డైలాగులు, మేక్ ఓవర్, హీరోయిన్ తో చేసే అల్లరి, కామెడీ ఇలా అన్ని విషయాల్లో ఈ సినిమాపై భారీ అంచనాలు ఏర్పడ్డాయి. అందుకు తగ్గట్టుగానే ఈ మూవీ అప్డేట్ లు కూడా ప్రేక్షకులను తీవ్ర ఆశ్చర్యానికి గురి చేస్తున్నాయి.
ఇరు తెలుగు రాష్ట్రాలలో ఎక్కువ లొకేషన్స్ లో రిలీజ్ అవుతున్న ఈ సినిమా ధియేటర్ల సంఖ్య వివరాలు తాజాగా బయటకు వచ్చాయి. దీని ప్రకారం, ఈ సినిమా నైజాం లో 380, సీడెడ్ లో 250, ఆంధ్రా లో 540 థియేటర్లను కలుపుకుని మొత్తం 1200 థియేటర్లలో గ్రాండ్ గా విడుదలవుతుంది. దేశవ్యాప్తంగా మరో 220, ఓవర్సీస్ లో 700 థియేటర్లను కలుపుకుని టోటల్ గా అంటే ప్రపంచవ్యాప్తంగా దాదాపు 2150 థియేటర్లకు పైగానే SVP రిలీజ్ అవుతుంది. దీంతో టాలీవుడ్లో అత్యధిక థియేటర్లలో విడుదలవుతున్న చిత్రాల జాబితాలో ఇది 14వ స్థానానికి చేరుకుంది. ఫలితంగా మెగాస్టార్ ఆచార్య, పవన్ కళ్యాణ్ కాటమరాయుడు రికార్డులను SVP బద్దలు కొట్టింది.
|
|