వైరలవవుతున్న అనన్యా పాండే టీజింగ్ వీడియో
cinema | Suryaa Desk | Published : Wed, May 11, 2022, 03:16 PM
బాలీవుడ్ యంగ్ అండ్ టాలెంటెడ్ హీరోయిన్ అనన్యా పాండే. బాలీవుడ్ సీనియర్ ఆర్టిస్ట్ చుంకీ పాండే, భావన పాండే ల నట వారసురాలిగా సినీ ఎంట్రీ ఇచ్చింది. తొలి సినిమా 2019లో విడుదలైన స్టూడెంట్ ఆఫ్ ది ఇయర్ 2 తోనే బాలీవుడ్ ప్రేక్షకుల హృదయాలను దోచుకుంది. ఆపై పతి పత్ని ఔర్ ఓహ్, ఖాలీ పీలి , గెహరాయియాన్ సినిమాలను చేసింది. పూరీ జగన్నాధ్ - విజయ్ దేవరకొండ ల లైగర్ లో కూడా అనన్యానే హీరోయిన్.
తాజాగా అనన్యా ని టీజ్ చేస్తూ కొరియోగ్రాఫర్, దర్శకురాలు ఫరా ఖాన్ చేసిన వీడియో సోషల్ మీడియాలో వైరల్ అవుతుంది. ఎదో ఒక వీడియో చేస్తూ అనన్యా తనను తాను పరిచయం చేసుకుంటూ ఉండగా, మధ్యలో ఫరా ఖాన్ వచ్చి డిస్టర్బ్ చేస్తుంది. ఖాలీ పీలి సినిమాకు గాను నీకు నేషనల్ అవార్డు వచ్చిందని చెప్తుంది. దాంతో అనన్యా ఆనందంతో ఉబ్బితబ్బిబ్బవుతోంది. ఈలోపే జోక్ చేశానంటూ ఫరా అనగానే అనన్యా ఏడుపు మొహం పెట్టేస్తుంది. ప్రస్తుతం ఈ వీడియో నెట్టింట హల్చల్ చేస్తుంది.
|
|