రజినీకాంత్ 169 మూవీ రిలీజ్ అప్డేట్...
cinema | Suryaa Desk | Published : Wed, May 11, 2022, 08:41 PM
కోలీవుడ్ సూపర్ స్టార్ రజినీకాంత్ స్టైల్ కు ప్రపంచవ్యాప్తంగా అభిమానులు ఉన్న విషయం తెలిసిందే. రజినీకాంత్ అన్నాత్తే ఫ్లాప్ తర్వాత తన కొత్త సినిమాను నెల్సన్ దిలీప్ కుమార్ దర్శకత్వంలో చేయనున్నారు. సీనియర్ దర్శకుల కన్నా యువదర్శకులు తనను మరింత స్టైలిష్ గా, క్రేజీగా చూపిస్తున్నారని వారితో పనిచేయటానికి రజినీ మక్కువ చూపిస్తున్నారు. ఈ క్రమంలోనే యువ దర్శకుడు వరుణ్ డాక్టర్ ఫేమ్ నెల్సన్ దిలీప్ కుమార్ కు కూడా అవకాశం ఇచ్చారు రజిని. తన 169 వ సినిమా కు దర్శకత్వం వహించే అవకాశాన్ని నెల్సన్ కు పిలిచి మరీ ఇచ్చారట. నెల్సన్ దర్శకత్వం లో విజయ్ నటించిన బీస్ట్ భారీ అంచనాల నడుమ ఇటీవలనే విడుదలై, బాక్సాఫీస్ వద్ద డిజాస్టర్ గా నిలిచింది. ఈ సినిమా ఫలితానికి ఏమాత్రం లోను కాకుండా, నెల్సన్ ప్రతిభపై నూరుశాతం నమ్మకముంచి తనతోనే సినిమా చెయ్యాలని రజినీ డేరింగ్ డెసిషన్ తీసుకున్నారు. ఈ నిర్ణయం అభిమానులను ఒకింత ఆశ్చర్యపరిచినా తుదకు మిగిలే ఫలితంపై అంతటా ఆసక్తి నెలకొంది. తాజాగా ఈ మూవీ రిలీజ్ డేట్ పై చిత్రసీమలో వార్తలు వస్తున్నాయి. వచ్చే ఏడాది సంక్రాంతి బరిలో ఈ సినిమాను దింపాలని మేకర్స్ ప్లాన్ చేస్తున్నారట. అయితే, ఈ విషయమై ఎలాంటి అధికారిక ప్రకటన లేదు.
|
|