ఆగస్టు 12వ తేదీన థియేటర్లలోకి చిరు గాడ్ ఫాదర్ చిత్రం
cinema | Suryaa Desk | Published : Thu, May 12, 2022, 02:33 AM
ఆచార్య సినిమాతో కొన్ని ఇబ్బందులను ఎదుర్కొన్న మెగాస్టార్ చిరంజీవి తాజాగా మరోచిత్రం థియేటర్ లోకి వేగంగా వచ్చేలా సన్నాహాలు చేస్తున్నారు. చిరంజీవి 'కథానాయకుడిగా 'గాడ్ ఫాదర్' సినిమా రూపొందుతోంది. మలయాళ 'లూసిఫర్'కి ఇది రీమేక్. సూపర్ గుడ్ ఫిలిమ్స్ వారితో కలిసి చరణ్ నిర్మిస్తున్న ఈ సినిమాకి మోహన్ రాజా దర్శకత్వం వహిస్తున్నాడు. భారీ బడ్జెట్ తో నిర్మితమవుతున్న ఈ సినిమాకి తమన్ సంగీతాన్ని సమకూర్చుతున్నాడు.
ఈ సినిమాలో సల్మాన్ ఖాన్ కీలకమైన పాత్రను పోషిస్తుండటం విశేషం. నయనతార .. సత్యదేవ్ ముఖ్యమైన పాత్రలను పోషిస్తున్నారు. ఇక దర్శకుడు పూరి జగన్నాథ్ ఒక ప్రత్యేకమైన పాత్రలో కనిపించనున్నాడు. మెగా అభిమానులంతా ఈ సినిమా కోసం వేయికళ్లతో వెయిట్ చేస్తున్నారు. ఈ నేపథ్యంలో ఈ సినిమాను ఆగస్టు 12వ తేదీన థియేటర్లలో దింపాలనే ఆలోచన చేస్తున్నారట.
కంటెంట్ పరంగా ఈ సినిమా ఆగస్టు 15 నాటికి థియేటర్లలో ఉండేలా చూడాలని భావించారట. అందువల్లనే ఆగస్టు 12వ తేదీన ఈ సినిమాను రిలీజ్ చేయనున్నట్టుగా సమాచారం. అదే రోజున సమంత .. అఖిల్ .. నితిన్ సినిమాలో బరిలో ఉండటం విశేషం. మలయాళంలో సంచలన విజయాన్ని నమోదు చేసిన ఈ సినిమా, తెలుగు నుంచి ఎలాంటి రెస్పాన్స్ ను రాబడుతుందో చూడాలి.
|
|