'భవదీయుడు భగత్ సింగ్' సినిమా జూన్ నెలలో ప్రారంభం కానుందా?
cinema | Suryaa Desk | Published : Fri, May 13, 2022, 02:46 PM
హరీష్ శంకర్ దర్శకత్వంలో టాలీవుడ్ పవర్స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'భవదీయుడు భగత్ సింగ్' అనే టైటిల్ను మేకర్స్ ఖరారు చేసారు. ఈ మాస్ ఎంటర్టైనర్ మూవీలో పవన్ కళ్యాణ్ సరసన సిజ్లింగ్ బ్యూటీ పూజాహెగ్డే జంటగా నటించనుంది. ఈ సినిమాలో అవార్డ్ విన్నింగ్ యాక్టర్ పంకజ్ త్రిపాఠి కీలక పాత్ర పోషిస్తున్నట్లు మేకర్స్ వెల్లడించారు. తాజా సమాచారం ప్రకారం, మాస్ అండ్ సోషల్ ఎంటర్టైనర్ ట్రాక్ లో రానున్న ఈ సినిమా షూటింగ్ ఈ జూన్ లో ప్రారంభం కానుంది అని వార్తలు వినిపిస్తున్నాయి. హరీష్ శంకర్ ఇప్పటికే ఈ సినిమా స్క్రిప్ట్ను పూర్తి చేసినట్లు సమాచారం. 'హరి హర వీర మల్లు' సినిమా పూర్తి చేసిన తర్వాత హరీష్ శంకర్ డైరెక్ట్ చేయనున్న 'భవదీయుడు భగత్ సింగ్' సెట్స్ పైకి వెళ్లనుంది అని టాక్. పవర్ స్టార్ అభిమానులు పవన్ అండ్ హరీష్ కాంబో లో రానున్న సినిమా కోసం చాలా కాలంగా ఎదురుచూస్తున్నారు. మైత్రీ మూవీ మేకర్స్ ఈ పవర్ ఫుల్ మూవీని భారీ ఎత్తున నిర్మిస్తున్నారు.
|
|