ట్రెండింగ్
నాపై వస్తున్న వార్తల్లో నిజం లేదు : కరాటే కళ్యాణి
cinema | Suryaa Desk | Published : Mon, May 16, 2022, 11:12 PM
యూట్యూబర్ శ్రీకాంత్ రెడ్డితో ఇటీవల జరిగిన వివాదాల నేపథ్యంలో మరోసారి వార్తల్లో నిలిచిన నటి కరాటే కళ్యాణి మీడియా సమావేశంలో మాట్లాడారు. తనపై మీడియాలో తప్పుడు కథనాలు వస్తున్నాయని, బిడ్డను అమ్మినట్లు వస్తున్న వార్తల్లో నిజం లేదని కరాటే కళ్యాణి స్పష్టం చేసింది. మౌక్తిక అనే చిన్నారిని తాను ఇంకా దత్తత తీసుకోలేదని, పాపకు ఏడాది కూడా నిండలేదని వెల్లడించారు. చట్టపరంగా చెల్లుబాటు కానందున ఇంకా దత్తత తీసుకోలేదని, త్వరలోనే ప్రక్రియ పూర్తి చేస్తామని తెలిపారు. తాను ఎక్కడికీ పారిపోలేదని, కావాలనే తనపై ఫిర్యాదులు చేస్తున్నారని, దీని వెనుక శివశక్తి అనే సంస్థ ఉందని ఆరోపించారు. కరాటే కళ్యాణి చిన్నారి తల్లిదండ్రులతో కలిసి మీడియా సమావేశంలో పాల్గొంది.
|
|