సమంత బాలీవుడ్ డిబట్ ఎందుకింత ఆలస్యమవుతుంది?

అల్లు అర్జున్-సుకుమార్ డైరెక్షన్లో వచ్చిన పుష్ప సినిమాలో ఊఁ అంటావా పాటతో సమంత ఉత్తరాది ప్రేక్షకులను ఉర్రూతలూగించింది. పుష్ప సినిమాకు సంబంధించిన ప్రతి విషయం కూడా నోర్త్లో ఓ రేంజులో ట్రెండ్ సృష్టించింది. అన్నిటిలోకి సమంత చేసిన ఐటెం సాంగ్ ప్రత్యేకం. ఈ పాటలో సామ్ గ్లామర్ కు, సెక్సీ స్టెప్స్ కు బాలీవుడ్ జనాలు ఫిదా అవ్వడమే కాక ఆమెను డైరెక్ట్ హిందీ సినిమాలు చెయ్యాలని కోరుకుంటున్నారు. పుష్ప సినిమా కన్నా ముందే సమంత ఒక హిందీ వెబ్ సిరీస్ లో నటించి ఉత్తరాదిన పాపులర్ అయ్యింది. రాజ్ అండ్ డీకే డైరెక్షన్లో వచ్చిన ది ఫ్యామిలీ మ్యాన్2 వెబ్ సిరీస్ లో బోల్డ్ క్యారెక్టర్ లో నటించి సామ్ పలు అవార్డులు, రివార్డులు కూడా సంపాదించింది. హిందీనాట ఇంత పాపులర్ అయ్యాక ఏ హీరోయిన్ అయినా ఖచ్చితంగా డైరెక్ట్ సినిమా చేసి బాలీవుడ్ లో పాగా వెయ్యాలని కోరుకుంటుంది. కానీ, సమంత మాత్రం తనకొస్తున్న హిందీ సినిమాల అవకాశాలను పట్టించుకోవట్లేదట. ఢిల్లీ బ్యూటీ తాప్సి సొంత  నిర్మాణ సంస్థలో సామ్ ఒక లేడీ ఓరియెంటెడ్ మూవీకి ఒప్పుకుందని వార్తలు వచ్చాయి. ఇటీవల తాప్సి ప్రకటించిన రెండు సినిమాలలో ఏ ఒక్కటి కూడా సమంత భాగం కాలేదు. దీంతో తాప్సి నిర్మాణంలో సమంత నటిస్తుందనే వార్తలు కేవలం పుకార్లుగానే మిగిలిపోయాయి. లేడీ ఓరియెంటెడ్, నటనకు ఆస్కారమున్న పాత్రలు కాకుండా మంచి మాస్ మసాలా మూవీలో నటించి హిందీ జనాల క్రేజ్ ను సమంత సొంతం చేసుకోవాలనుకుంటుందట. దీపికా పాడుకొనే, అలియా భట్ ల లాగానే గ్లామర్ బ్యూటీ గా హిందీ చిత్రపరిశ్రమను రూల్ చెయ్యాలనుకుంటుందట. అందుకోసం బికినీ ట్రీట్, బోల్డ్ క్యారెక్టర్లు చెయ్యటానికైనా సిద్ధంగా ఉందట.   అందుకే తన దగ్గరకొచ్చిన హిందీ సినిమా అవకాశాల విషయంలో చాలా జాగ్రత్త వహిస్తుందట సామ్. ఈ కారణం వల్లనే సమంత బాలీవుడ్ డిబట్ ఆలస్యమవుతుందని కొందరు పేర్కొంటున్నారు.