ఉడకబెట్టిన కోడిగుడ్లంటూ... ఆర్చీస్ కిడ్స్ పై కంగనా ఫైర్
cinema | Suryaa Desk | Published : Tue, May 17, 2022, 02:36 PM
బాలీవుడ్ క్వీన్ కంగనా రనౌత్ ఆర్చీస్ సినిమాపై తన స్పందనను తెలియచేసింది. బాలీవుడ్ సూపర్ స్టార్ల కిడ్స్ ను పరిచయం చేస్తూ ప్రముఖ దర్శకురాలు జోయా అక్తర్ తెరకెక్కిస్తున్న చిత్రమిది. ఈ సినిమాతో షారుక్ ఖాన్ కూతురు సుహానా ఖాన్, అమితాబ్ బచ్చన్ కూతురు కొడుకు అగస్త్య నందా, శ్రీదేవి-బోనీ కపూర్ల చిన్న కూతురు ఖుషి కపూర్ లు బాలీవుడ్ ఎంట్రీ ఇస్తున్నారు. కంగనా ధాకడ్ సినిమాతో మే 20న ప్రేక్షకుల ముందుకు రానుంది. గత రెండు వారాల నుంచి కంగనా ఈ సినిమా ప్రమోషన్స్ లో బిజీగా ఉంది. ఈ సినిమా ప్రమోషన్స్ లో భాగంగా కంగనా మాట్లాడుతూ... ఈ మధ్యకాలంలో బాలీవుడ్ లో వచ్చే సినిమాల్లో చాలా వరకు స్టార్ల పిల్లలే నటిస్తున్నారు. చిన్నప్పటినుండి విదేశాల్లో పెరిగిన కారణంతో వారి వేషభాషలు, పద్ధతులు మన నేటివిటీకి విభిన్నంగా ఉంటాయి. చూడటానికి కూడా ఉడకబెట్టిన కోడిగుడ్డుల్లాగా ఉండే వారి ముఖాలు ప్రేక్షకులకు ఏవిధంగా కనెక్ట్ అవుతాయి? ... అని అనడంతో మరోసారి కంగనా వ్యాఖ్యలు బాలీవుడ్ లో హాట్ టాపిక్ గా మారాయి.
|
|