ప్రభాస్ - మారుతీ మూవీలో తమన్ బాణీలు

రెబల్ స్టార్ ప్రభాస్, వినోదాత్మక చిత్రాల దర్శకుడు మారుతి కాంబోలో సినిమా నిజంగా ఉంటుందో లేదో తెలియదు కానీ ఈ సినిమాపై వచ్చే వార్తలు మాత్రం అన్నీ ఇన్నీ కావు. రోజుకొక కొత్త వార్త పుడుతూనే ఉంది. తాజాగా ప్రభాస్ - మారుతీ సినిమాకు టాలీవుడ్ సెన్సేషన్ మ్యూజిక్ డైరెక్టర్ తమన్ బాణీలు సమకూరుస్తారనే వార్త చిత్రసీమలో జోరుగా ప్రచారం జరుగుతుంది. హార్రర్ నేపధ్య చిత్రంగా పేర్కొంటున్న ఈ మూవీకి బ్యాక్ గ్రౌండ్ స్కోర్ చాలా కీలకం కాబట్టి మారుతీ తమన్ ను ఏరికోరి ఎంచుకున్నారని టాక్. ఎందుకంటే, బ్యాక్ గ్రౌండ్ స్కోరింగ్ లో తమన్ ను బీట్ చేసే వాళ్ళు టాలీవుడ్ లో ఎవరు లేరు. ఇప్పటికే ఈ మూవీ కి సంబంధించిన మ్యూజిక్ సిట్టింగ్స్ స్టార్ట్ అయ్యాయని టాక్. ఈ సినిమా కోసం ఒక భారీ సెట్ ను నిర్మించబోతున్నారంట. అక్కడే ఈ మూవీ షూటింగ్ ఎక్కవ శాతం జరగనుందట. 

రాజా డీలక్స్ గా పిలవబడుతున్న ఈ మూవీని ఆగస్టులో అధికారికంగా ప్రకటించే అవకాశాలున్నాయి. అయితే, ఈ టైటిల్ మాస్ రాజా మహారాజ రవితేజ చిత్రం కోసమని మారుతీ ఇప్పటికే క్లారిటీ ఇవ్వగా, ప్రభాస్ మూవీ టైటిల్ ను హోల్డ్ లో పెట్టారంట. ప్రస్తుతం ప్రభాస్ వరస పాన్ ఇండియా సలార్, ప్రాజెక్ట్ కే, ఆది పురుష్ వంటి చిత్రాలతో బిజీగా ఉండగా, ఈ మధ్యలో మారుతీ సినిమాను చేసి తెలుగు ప్రేక్షకులను పలకరించాలని ప్రభాస్ కోరుకుంటున్నాడట. ఇందుకోసం ప్రభాస్ తీవ్రంగా కష్టపడవలసి ఉంటుంది. అయినా లెక్క చెయ్యకుండా, ఈ సినిమా కోసం 50రోజులను కేటాయించారట. రెండు షెడ్యూల్స్ లో సినిమా మొత్తం పూర్తైపోవాలని, ఈ ఏడాదిలోనే విడుదల చేయాలనీ మారుతిని ప్రభాస్ ఆర్డర్ చేసారని వినికిడి. ఈ ప్రాజెక్ట్ కు డీవీవీ దానయ్య నిర్మాతగా వ్యవహరించనున్నారు.