వెంకటేష్-అనుదీప్ సినిమా ఆగస్టులో సెట్స్ పైకి వెళ్లనుందా?
cinema | Suryaa Desk | Published : Thu, May 19, 2022, 12:29 PM
టాలీవుడ్ సీనియర్ స్టార్ హీరో విక్టరీ వెంకటేష్ ప్రస్తుతం అనిల్ రావిపూడి దర్శకత్వంలో 'F3' సినిమాతో బిజీగా ఉన్నారు. మరోవైపు, ఈ హీరో తన తొలి సిరీస్ కోసం కూడా షూటింగ్ చేస్తున్నాడు. ఈ సిరీస్ కి మేకర్స్ 'రానా నాయుడు' అనే టైటిల్ ని లాక్ చేసారు. జాతిరత్నాలు ఫేమ్ అనుదీప్ దర్శకత్వంలో వెంకటేష్ ఒక సినిమాలో నటించనున్నారు అని సమాచారం. డైరెక్టర్ అనుదీప్ వెంకటేష్ కోసం ఒక సూపర్ కామెడీ ఎంటర్టైనర్ సబ్జెక్ట్ను రాసినట్లు టాక్. ఈ ప్రాజెక్ట్ అతి త్వరలో అధికారికంగా ప్రారంభించబడుతుంది అని సమాచారం. లేటెస్ట్ అప్డేట్ ప్రకారం, ఈ ప్రాజెక్ట్ ఆగస్టులో సెట్స్ పైకి రానుంది అని వార్తలు వినిపిస్తున్నాయి. దీనికి సంబంధించిన అధికారిక ప్రకటన మూవీ మేకర్స్ నుండి త్వరలో వెలువడనుంది. కామెడీ ఫ్యామిలీ ఎంటర్టైనర్ ట్రాక్ లో రానున్న ఈ చిత్రాన్ని సితార ఎంటర్టైన్మెంట్స్పై నాగవంశీ నిర్మిస్తున్నారు. అనుదీప్ ప్రస్తుతం శివకార్తికేయన్తో తెలుగు-తమిళ చిత్రం షూటింగ్లో బిజీగా ఉన్నాడు.
|
|