తారక్ కు రామ్ చరణ్ ఎమోషనల్ బర్త్ డే విషెస్ ... ట్వీట్ వైరల్
cinema | Suryaa Desk | Published : Fri, May 20, 2022, 12:51 PM
టాలీవుడ్ ఇండస్ట్రీలో ప్రాణ స్నేహితులు ఎవరైనా ఉన్నారంటే, అది జూనియర్ ఎన్టీఆర్- రామ్ చరణ్ లే. ప్రొఫెషనల్ గా వీరిద్దరి మధ్య పోటీ ఉన్నప్పటికీ పర్సనల్ గా అంతకుమించిన బలమైన స్నేహం వీరిరువురి మధ్య ఉంది. ఆర్ ఆర్ ఆర్ విడుదలవక ముందు వరకు తారక్ - చెర్రీ కేవలం స్నేహితులే అని తెలుసు. ఎప్పుడైతే ఆర్ ఆర్ ఆర్ స్టార్ట్ అయ్యిందో అప్పటినుండి వీరి స్నేహబంధం లైం లైట్ లోకొచ్చింది. వీరి రియల్ లైఫ్ ఫ్రెండ్ షిప్ ను మనం చూడలేం కానీ ఆర్ ఆర్ ఆర్ తో తెరపై వీరి నిజమైన స్నేహాన్ని ఆవిష్కరించారు దర్శకుడు రాజమౌళి.
నేడు తారక్ తన 39వ పుట్టినరోజును జరుపుకుంటున్నారు. ఈ సందర్భంగా చెర్రీ తారక్ కి బర్త్ డే విషెస్ ను తెలుపుతూ ట్వీట్ చేసారు. బ్రదర్, కో స్టార్, ఫ్రెండ్.. నా లైఫ్ లో నువ్వెంటో చెప్పటానికి మాటలు సరిపోవు. మనిద్దరి స్నేహబంధాన్ని ఎల్లప్పుడూ గుర్తుంచుకుంటాను. హ్యాపీ బర్త్ డే... అంటూ రామ్ చరణ్ చేసిన ట్వీట్ క్షణాల్లో వైరల్ గా మారింది. తారక్ ను గట్టిగా హాగ్ చేసుకున్న ఫోటోను చెర్రీ ఈ ట్వీట్ కు జతచేసారు. బర్త్ డే సందర్భంగా పలువురు సెలెబ్రిటీలు, అభిమానులు తారక్ కి సోషల్ మీడియాలో శుభాకాంక్షలను తెలియచేస్తున్నారు.
|
|