'మేజర్' లో తన క్యారెక్టర్ గురించి వెల్లడించిన శోబితా ధూళిపాళ
cinema | Suryaa Desk | Published : Mon, May 23, 2022, 01:56 PM
టాలెంటెడ్ హీరో అడివి శేష్ తన రాబోయే పాన్ ఇండియన్ మూవీ "మేజర్" తో సినీ ప్రేమికులను అలరించడానికి సిద్ధంగా ఉన్నాడు. శశి కిరణ్ తిక్క దర్శకత్వం వహిస్తున "మేజర్" చిత్రంలో శోభితా ధూళిపాళ, సాయి మంజ్రేకర్, ప్రకాష్ రాజ్, రేవతి సహాయక పాత్రల్లో కనిపించనున్నారు. "మేజర్" చిత్రం భారతదేశంలోని ముంబైలో 26-11 మధ్య జరిగిన ఘోరమైన ఉగ్రవాద దాడులలో వీరమరణం పొందిన సందీప్ ఉన్నికృష్ణన్ జీవిత ప్రయాణం ఆధారంగా రూపొందించబడింది. ఈ సినిమా జూన్ 3, 2022న ప్రపంచవ్యాప్తంగా ప్రేక్షకుల ముందుకు రానుంది. ఈ సినిమాలో కీలక పాత్రలో నటిస్తున్న శోబితా ధూళిపాళ తాజాగా మీడియాతో మాట్లాడారు. తాజ్ హోటల్లో చిక్కుకున్న బందీ పాత్రలో తాను నటిస్తున్నానని చెప్పింది. తన పాత్ర తక్కువ సమయం ఉన్న చాలా వేరియేషన్స్ని ప్రదర్శించాల్సి వచ్చిందని శోబిత వెల్లడించింది. ఈ సినిమాకి GMB ఎంటర్టైన్మెంట్స్, సోనీ పిక్చర్స్ ఇండియా మరియు AplusS మూవీస్ బ్యానర్లు నిర్మిస్తున్నారు. ఈ చిత్రానికి శ్రీచరణ్ పాకాల సంగీతం అందించారు.
|
|