'సాలార్' గురించి వస్తున్న రూమర్స్ పై క్లారిటీ ఇచ్చిన ప్రశాంత్ నీల్
cinema | Suryaa Desk | Published : Mon, May 23, 2022, 02:16 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ యాక్షన్ ఎంటర్టైనర్ సినిమాలో గోపీ, జగపతిబాబు, పృథ్వీరాజ్ సుకుమారన్ కీలక పాత్రలో కనిపించనున్నారు. అందరూ ఎంతో ఆసక్తిగా ఎదురుచూస్తున్న ఈ సినిమా రెండు భాగాలుగా విడుదల కానుంది అని సమాచారం. గత కొన్ని రోజులుగా 'సాలార్' సినిమా హాలీవుడ్లో ఒక యాక్షన్ డ్రామా ఆధారంగా తీసుతునట్లు వార్తలు వినిపిస్తున్నాయి. తాజాగా ఈ వార్తా పై దర్శకుడు ప్రశాంత్ నీల్ ఒక ఇంటర్వ్యూలో క్లారిటీ ఇచ్చారు. 'సాలార్' స్ట్రెయిట్ సినిమా. ఇది నా సినిమాల ఆధారంగా కానీ, ఏ క్లాసిక్కి కాపీ కానీ కాదు అంటూ వెల్లడించారు. ఈ సినిమా తదుపరి షెడ్యూల్ మే 24 నుండి ప్రారంభమవుతుంది అని మేకర్స్ వెల్లడించారు. రవి బస్రూర్ ఈ సినిమాకి సంగీతం అందిస్తున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|