బ్రేక్ ఈవెన్ ను సాధించిన సర్కారువారిపాట
cinema | Suryaa Desk | Published : Mon, May 23, 2022, 02:19 PM
పరశురామ్ డైరెక్షన్లో సూపర్ స్టార్ మహేష్ బాబు, కీర్తి సురేష్ జంటగా నటించిన చిత్రం సర్కారువారిపాట. మే 12న భారీ అంచనాల నడుమ విడుదలైన ఈ చిత్రం ధియేటర్ల వద్ద అప్రతిహతంగా ప్రదర్శింపబడుతోంది. తొలుత మిక్స్డ్ టాక్ వచ్చినా కానీ, కలెక్షన్లు మాత్రం సూపర్ స్పీడ్ లో దూసుకుపోతున్నాయి. వారంలోనే రూ. 160కోట్ల గ్రాస్ క్లబ్ లోకి చేరింది. ఓవర్సీస్ లో సర్కారోడి గెలుపు పరుగును ఎవరు అందుకోలేనంత వేగంగా ఉంది. ఇటీవలే మ మ మ మాస్ సెలెబ్రేషన్స్ పేరిట SVP సక్సెస్ సెలెబ్రేషన్స్ ను నిర్మాతలు ఘనంగా నిర్వహించారు. తాజాగా ఈ సినిమా పలు ప్రాంతాల్లో బ్రేక్ ఈవెన్ ను సాధించిందని తెలుస్తుంది. రెండో వారంలోకి అడుగుపెట్టిన ఈ మూవీ ఇంకొన్ని రోజుల్లో మిగిలిన అన్ని ప్రాంతాల్లో కూడా బ్రేక్ ఈవెన్ సాధిస్తుందని మేకర్స్ సన్నిహిత వర్గాలు తెలుపుతున్నారు. ప్రపంచవ్యాప్తంగా వంద కోట్లు సాధించిన మహేష్ నాలగవ సినిమా ఇది.
|
|