నయనతారకి గోరుముద్దలు తినిపించిన విఘ్నేష్ ...వాచ్ వీడియో

కోలీవుడ్ క్యూట్ కపుల్స్‌లో నయనతార- విఘ్నేష్ శివన్ జంట ఒకటి. ఈ జంట ప్రేమ, పెళ్లి విషయం ఇప్పటికీ సస్పెన్స్‌గానే ఉంది.నయన తార, డైరెక్టర్ విఘ్నేష్ శివన్ కొన్నేళ్లుగా ప్రేమలో ఉన్నారు.ముందు వీరిద్దరూ తమ ప్రేమ గురించి బయటకు చెప్పలేదు.కాని చెట్టాపట్టాలేసుకుని తిరిగే ఫొటోలు, వీడియోలు చేసి అందరూ కన్‌ఫర్మ్ చేసుకున్నారు.ఈ లవ్ బర్డ్స్ పెళ్లి ఎప్పుడు జరుగుతుందా? అని అభిమానులు కళ్లల్లో ఒత్తులు వేసుకొని మరీ ఎదురు చూస్తున్నారు. అయితే తాజాగా మీడియాలో వినిపిస్తోన్న సమాచారం మేరకు వీరిద్దరి పెళ్లి డేట్ ఖరారైందందట. జూన్ 9న విఘ్నేశ్ శివన్‌, నయన తారలు పెళ్లి చేసుకోబోతున్నారట.ఇటీవలే తిరుమల శ్రీవారిని దర్శించుకున్నారు. పెళ్లి చేసుకోబోయే కల్యాణమంటపాన్ని పరిశీలించారు.

అంతేకాదు ఈ జంట తమ కులదైవం ఆలయానికి వెళ్లారు. చెన్నై నుంచి తిరుచ్చికి విమానంలో వెళ్లిన వీరు… అక్కడి నుంచి తంజావూరు జిల్లా అయ్యంపేట వళుత్తియూరికి వెళ్లి అక్కడ ఉన్న కులదైవం ఆలయంలో ప్రత్యేక పూజలు నిర్వహించారు. తమ కులదైవం పాదాల చెంత తొలి పెళ్లి పత్రికను పెట్టినట్టు సమాచారం. జూన్ 9వ తేదీన వీరి వివాహం జరగడం పక్కా అని అంటున్నారు.

ఇదిలా ఉంటే మరికొద్ది రోజులలో ఈ జంట పెళ్లి పీటలు ఎక్కనుండగా, వారి మధ్య ఉన్న ఆప్యాయతను తెలియజేస్తూ విఘ్నేశ్‌ శివన్‌ సోషల్‌ మీడియాలో ఓ వీడియో షేర్‌ చేశాడు. టేబుల్‌ మీద ఎన్నో రకాల ఐటంస్‌ ఉన్నాయి. అందులో ఒకటి ట్రై చేయమని విఘ్నేశ్‌ అడగ్గా నయన్‌ నో అంటూ తలూపింది. అయినా సరే అతడు మాత్రం భుజం మీద చేయి వేసి బుజ్జగిస్తూ ఆమెకు గోరుముద్దలు తినిపించాడు.

ఆ తర్వాత అతడు తిన్నాడు. ఈ వీడియోను ఇన్‌స్టాగ్రామ్‌లో పంచుకుంటూ ‘సరిగ్గా తినాల్సిన సమయం ఇదే.. స్థానికంగా దొరికే రుచికరమైన ఆహారాన్ని తనకు తినిపించడంలోనే అసలైన సంతోషం ఉంది. అద్భుతమైన మనుషుల మధ్య రుచికరమైన ఫుడ్‌ తింటూ ఎంజాయ్‌ చేస్తున్నాము’ అని రాసుకొచ్చాడు. ఇది చూసిన ఫ్యాన్స్ మురిసిపోతున్నారు.

Just #WikkiNayan  pic.twitter.com/qlRTXUcn2F

— Nayanthara (@NayantharaU) May 24, 2022