కీలక షెడ్యూల్ను ముగించిన 'తలపతి66' టీమ్
cinema | Suryaa Desk | Published : Fri, May 27, 2022, 02:37 PM
తమిళ స్టార్ హీరో తలపతి విజయ్, వంశీ పైడిపల్లి దర్శకత్వంలో సినిమా చేయనున్న సంగతి అందరికి తెలిసిందే. ఈ సినిమాకి టెంపరరీగా "తలపతి66" అని టైటిల్ ని మేకర్స్ లాక్ చేసారు. ఈ సినిమాలో విజయ్ సరసన కన్నడ బ్యూటీ రష్మిక జంటగా నటిస్తుంది. తాజాగా ప్రముఖ సీనియర్ యాక్టర్స్ ప్రభు, ప్రకాష్ రాజ్, జయసుధ మరియు శరత్ కుమార్ ఈ చిత్రంలో కీలక పాత్రలు పోషిస్తున్నట్లు మూవీ మేకర్స్ ప్రకటించారు. ఈ సినిమా షూటింగ్ గత కొన్ని రోజులుగా రామోజీ ఫిల్మ్ సిటీలో జరుగుతోంది. తాజాగా ఇప్పుడు ఈ సినిమా ఫస్ట్ షెడ్యూల్ పూర్తయిందని సమాచారం. ఈ షెడ్యూల్లో సినిమాకు సంబంధించిన కొన్ని కీలక సన్నివేశాలను చిత్రీకరించినట్లు వార్తలు వినిపిస్తున్నాయి. ఈ సినిమాకి సెన్సషనల్ మ్యూజిక్ డైరెక్టర్ థమన్ ఎస్ సంగీతం అందిస్తున్నారు. దిల్ రాజు అండ్ శిరీష్ శ్రీ వెంకటేశ్వర క్రియేషన్స్పై ఈ సినిమాని నిర్మించనున్నారు.
|
|