ట్రెండింగ్
స్పెషల్ పోస్టర్ ని రివీల్ చేసిన 'NBK107' టీమ్
cinema | Suryaa Desk | Published : Sat, May 28, 2022, 07:03 PM
గోపీచంద్ మలినేని దర్శకత్వంలో నటసింహ బాలకృష్ణ 'NBK107' సినిమా చేస్తున్న సంగతి అందరికి తెలిసిందే. ఈ సినిమాలో బాలయ్య సరసన శృతి హాసన్ జోడిగా నటిస్తోంది. దునియా విజయ్, వరలక్ష్మి శరత్కుమార్ ఈ సినిమాలో కీలక పాత్రలో కనిపించనున్నారు. హైదరాబాద్లోని ఆర్ఎఫ్సిలో ఈ సినిమా షూటింగ్ శరవేగంగా జరుగుతోంది. ఈ చిత్రానికి 'జై బాలయ్య' అనే టైటిల్ ని మూవీ మేకర్స్ ఖరారు చేసినట్లు సమాచారం. తాజాగా ఈరోజు దిగ్గజ నటుడు, చిత్రనిర్మాత మరియు రాజకీయ నాయకుడు శ్రీ నందమూరి తారక రామారావు 100వ జయంతిని పురస్కరించుకుని, ఈ సినిమాలోని బాలకృష్ణ సరికొత్త మాస్ పోస్టర్ను విడుదల చేసారు. మైత్రీ మూవీ మేకర్స్ నిర్మించిన ఈ చిత్రానికి థమన్ ఎస్ సంగీతం అందించారు. ఈ 2022 దసరాకి సినిమా విడుదల చేయాలని ప్లాన్ చేస్తున్నట్టు సమాచారం.
|
|