నెట్‌ఫ్లిక్స్‌లో అత్యధికంగా వీక్షించబడిన నాన్ ఇంగ్లీష్ చిత్రంగా 'RRR'
cinema | Suryaa Desk | Published : Thu, Jun 02, 2022, 01:24 PM
SS రాజమౌళి డైరెక్షన్ లో టాలీవుడ్ స్టార్ హీరోస్ రామ్ చరణ్, జూనియర్ ఎన్టీఆర్ నటించిన 'RRR' ప్రపంచవ్యాప్తంగా థియేటర్లలో విడుదలైంది. ఈ మూవీ అన్నిచోట్ల సాలిడ్ కలెక్షన్స్ ని రాబటింది. ఈ యాక్షన్ డ్రామా మూవీలో అలియా భట్, సముద్రఖని, అజయ్ దేవగన్, శ్రియా శరణ్, ఒలివియా మోరిస్ ముఖ్య పాత్రలు పోషిస్తున్నారు. ఈ సినిమా హిందీ వెర్షన్ రైట్స్ ని నెట్‌ఫ్లిక్స్ సొంతం చేసుకున్న సంగతి తెలిసిందే. ఈ చిత్రం హిందీ వెర్షన్ నెట్‌ఫ్లిక్స్‌లో మే 20, 2022న విడుదలైంది. తాజా అప్డేట్ ప్రకారం, ఈ చిత్రం నెట్‌ఫ్లిక్స్ గ్లోబల్ చార్ట్‌లలో నాన్-ఇంగ్లీష్ మూవీ విభాగంలో అగ్రస్థానంలో నిలిచింది. నెట్‌ఫ్లిక్స్ ప్రకారం, మే 23 నుండి మే 29, 2022 వరకు OTT ప్లాట్‌ఫారమ్‌లో ఈ సినిమా 18 మిలియన్ గంటల కంటే ఎక్కువ ప్రసారం చేయబడింది అని సమాచారం. దీంతో ప్రపంచవ్యాప్తంగా నెట్‌ఫ్లిక్స్‌లో అత్యధికంగా వీక్షించిన నాన్ ఇంగ్లీష్ సినిమాగా 'RRR' నిలిచింది. అంతేకాకుండా, 60కి పైగా దేశాల్లో టాప్ 10లో ఈ బ్లాక్ బస్టర్ సినిమా ట్రెండ్ అవుతోంది. ఈ చిత్రాన్ని డివివి దానయ్య భారీ స్థాయిలో నిర్మించారు. ఈ చిత్రానికి ఎంఎం కీరవాణి సంగీతం అందించారు.
|
|