సూర్యకు రోలెక్స్ వాచ్ని బహుమతిగా ఇచ్చిన యూనివర్సల్ యాక్టర్
cinema | Suryaa Desk | Published : Thu, Jun 09, 2022, 01:20 PM
లోకేష్ కానగరాజ్ డైరెక్షన్ లో కమల్ హాసన్, ఫహద్ ఫాసిల్, విజయ్ సేతుపతి నటించిన "విక్రమ్" సినిమా గ్రాండ్ గా రిలీజ్ అయ్యింది. ఈ సినిమా అన్ని చోట్ల పాజిటివ్ టాక్ ని అందుకొని సాలిడ్ కలెక్షన్స్ ని రాబడుతుంది. ఈ చిత్రం ప్రపంచవ్యాప్తంగా థియేటర్లలో విజయవంతంగా రన్ అవుతోంది. ఇటీవల విక్రమ్ సినిమా బాక్స్ఆఫీస్ వద్ద హిట్ గా నిలిచినందుకు డైరెక్టర్ లోకేష్కి కమల్ హాసన్ ఖరీదైన కారును బహుమతిగా ఇచ్చిన సంగతి తెలిసిందే. అంతేకాకుండా సినిమా కోసం అహోరాత్రులు శ్రమించిన 13 మంది అసిస్టెంట్ డైరెక్టర్లకు అపాచీ ఆర్టిఆర్ 160 బైక్లను కమల్ బహుమతిగా ఇచ్చారు. తాజాగా ఇప్పుడు ఈ సినిమాలో అతిధి పాత్రలో నటించిన స్టార్ హీరో సూర్యకు రోలెక్స్ బ్రాండ్ వాచ్ను కమల్ బహుమతిగా ఇచ్చాడు. కాళిదాస్ జయరామ్, నరైన్, అర్జున్ దాస్ అండ్ శివాని నారాయణన్ సహాయక పాత్రల్లో కనిపించనున్నారు. ఈ చిత్రానికి రాక్ స్టార్ అనిరుధ్ రవిచందర్ సంగీతం అందించారు. రాజ్ కమల్ ఫిల్మ్స్ ఇంటర్నేషనల్ బ్యానర్పై కమల్ హాసన్ అండ్ ఆర్ మహేంద్రన్ ఈ సినిమాని నిర్మిస్తున్నారు.
|
|