అంటే... "దసరా" మొదలెట్టిన నాని ...!
cinema | Suryaa Desk | Published : Fri, Jun 24, 2022, 11:48 AM
నాచురల్ స్టార్ నాని ఇటీవలే "అంటే సుందరానికి" సినిమాతో ప్రేక్షకులను పలకరించాడు. వివేక్ ఆత్రేయ డైరెక్షన్లో రొమాంటిక్ కామెడీ ఎంటర్టైనర్ గా రూపొందిన ఈ సినిమాలో నజ్రియా నాజిమ్ హీరోయిన్ గా నటించింది. టాలీవుడ్ బాక్సాఫీస్ వద్ద డీసెంట్ వసూళ్లను రాబడుతున్న ఈ మూవీ ఓవర్సీస్ లో మాత్రం దూసుకుపోతుంది. వన్ మిలియన్ డాలర్లకు పైగా వసూళ్లను సాధించింది.
సుందరం క్యారెక్టర్ నుండి పూర్తిగా బయటకొచ్చేసిన నాని, తాజాగా దసరా షూటింగ్ ను ప్రారంభించాడు. అంటే సుందరానికి మూవీ తర్వాత గోవా వెకేషన్ కెళ్ళొచ్చిన నాని వెంటనే దసరా షూటింగ్ లో పాల్గొన్నాడట.
కొత్త దర్శకుడు శ్రీకాంత్ ఓదెల డైరెక్షన్లో పక్కా మాస్ మసాలా మూవీగా రూపొందుతున్న ఈ చిత్రంలో కీర్తి సురేష్ కథానాయికగా నటిస్తుంది. పక్కింటబ్బాయి లుక్ ను ఇప్పటివరకు మెయిన్ టైన్ చేసిన నాని ఈ సినిమాలో తన లుక్ ను పూర్తిగా మార్చేసినట్టు తెలుస్తుంది. ఈ సినిమా కోసం గళ్ళ లుంగీ, గుబురు గడ్డం, దట్టమైన జుట్టు, కోరమీసాలను పెంచిన నాని పక్కా మాస్ అవతార్ లో కనిపిస్తున్నాడు. ఈ సినిమా కోసం తన భాషను కూడా మార్చినట్టు తెలుస్తుంది. నాని కెరీర్లోనే భారీ బడ్జెట్ తో నిర్మింపబడుతున్న ఈ మూవీ షూటింగ్ ను శరవేగంగా పూర్తి చేసి, వీలైనంత త్వరగా ప్రేక్షకుల ముందుకు తీసుకొచ్చేందుకు నాని ఉవ్విళ్లూరుతున్నాడు.
|
|