PVT 04 : "మంచు" హీరో కథతో "మెగా" హీరో సినిమా?
cinema | Suryaa Desk | Published : Fri, Jun 24, 2022, 02:34 PM
మెగా మేనల్లుడు వైష్ణవ్ తేజ్, యంగ్ బ్యూటీ శ్రీలీల జంటగా, ఎన్. శ్రీకాంత్ రెడ్డి అనే కొత్త దర్శకుడు తెరకెక్కిస్తున్న కొత్త చిత్రం నిన్ననే ప్రారంభమయ్యింది. హైదరాబాద్ లోని రామోజీఫిలింసిటీలో పూజా కార్యక్రమంతో లాంఛనంగా ప్రారంభమైన ఈ సినిమాను మైత్రి మూవీ మేకర్స్, ఫార్చ్యూన్ ఫోర్ సంస్థలు సంయుక్తంగా నిర్మిస్తున్నాయి. మూవీ ఎనౌన్స్ చేస్తూ రిలీజ్ చేసిన టీజర్, మాస్ అండ్ ఇంటెన్స్ డైలాగులతో ప్రేక్షకులను ఆకట్టుకుంది.
అంతా బాగానే ఉందికానీ, డైరెక్టర్ శ్రీకాంత్ రెడ్డి మంచు మనోజ్ తో చెయ్యాల్సిన సినిమాను ఇప్పుడు వైష్ణవ్ తో చేస్తున్నాడని ఇండస్ట్రీలో టాక్ వినిపిస్తోంది. మంచు మనోజ్ హీరోగా, ఎన్. శ్రీకాంత్ రెడ్డి డైరెక్షన్లో 2020లో "అహం బ్రహ్మాస్మి" సినిమా ప్రారంభమైంది. ఏమైందో తెలియదు కానీ, ఈ ప్రాజెక్ట్ పట్టాలెక్కలేదు. అసలు, ఈ ప్రాజెక్ట్ కు సంబంధించిన ఒక్క అప్డేట్ కూడా ఇప్పటివరకు రాలేదు. లేటెస్ట్ అప్డేట్ ప్రకారం, శ్రీకాంత్ ఈ మూవీ స్టోరీ లైన్ ను కాస్త అటుఇటుగా మార్చి #PVT 04 సినిమాను తెరకెక్కిస్తున్నాడని అంటున్నారు. ఐతే, ఈ విషయంపై ఇప్పటివరకు ఎలాంటి అధికారిక సమాచారం లేదు.
|
|