గప్ చుప్ గా పవన్ కళ్యాణ్ కొత్త సినిమా ప్రారంభం..!
cinema | Suryaa Desk | Published : Sat, Jun 25, 2022, 11:41 AM
పవర్ స్టార్ పవన్ కళ్యాణ్ చితినిండా సినిమాలతోనే కాక రాజకీయాలతో కూడా క్షణం తీరిక లేకుండా గడుపుతున్నారు. హీరోగా, పొలిటీషియన్ గా రెండు విభిన్న రంగాలలో రెండు విలక్షణ పాత్రలను పోషిస్తున్న పవన్ 2024 ఎలక్షన్స్ కల్లా సినిమాల నుండి ఫ్రీ అవ్వాలని ఆలోచిస్తున్నాడు. ఈలోపు కమిటైన సినిమాలను శరవేగంగా పూర్తి చేస్తున్నాడు.
ప్రస్తుతం పవన్ కళ్యాణ్ క్రిష్ జాగర్లమూడి డైరెక్షన్లో హరిహర వీరమల్లు మూవీ షూటింగ్ లో పాల్గొంటున్నాడు. నిరంతరాయంగా కొనసాగుతున్న ఈ మూవీని వీలైనంత త్వరగా ఫినిష్ చేసి, తమిళ సినిమా వినోదయ సిత్తం రీమేక్ లో నటిస్తాడని నిన్నటివరకు అంతా అనుకున్నారు. కానీ, ఊహించని విధంగా హరిహర వీరమల్లు సెట్స్ పై ఉండగానే, వినోదయ సిత్తం రీమేక్ పనులను కానిచ్చేస్తున్నారట. గుట్టుచప్పుడు కాకుండా ఈ మూవీని ఇటీవలే లాంఛ్ కూడా చేసేశారని ఇండస్ట్రీలో టాక్ నడుస్తుంది. మరి ఈ విషయంపై ఎలాంటి అధికారిక సమాచారం ఇప్పటివరకు లేకపోవడం విశేషం. వినోదయ సిత్తం ను తమిళ్ లో డైరెక్ట్ చేసిన సముద్రఖని తెలుగులో కూడా డైరెక్ట్ చెయ్యనున్నారు.
|
|