వచ్చేవారం నుండి "విక్రమ్" డిజిటల్ స్ట్రీమింగ్ షురూ!
cinema | Suryaa Desk | Published : Wed, Jun 29, 2022, 04:53 PM
లోకేష్ కనగరాజ్ దర్శకత్వంలో విలక్షణ నటుడు కమల్ హాసన్ నటించిన చిత్రం విక్రమ్. తన సొంత బ్యానరైన రాజ్ కమల్ ఇంటర్నేషనల్ లో భారీ బడ్జెట్ తో కమల్ నిర్మించిన ఈ సినిమా జూన్ 3వ తేదీన విడుదలై రికార్డు బ్రేకింగ్ కలెక్షన్లను రాబడుతోంది. ప్రపంచవ్యాప్తంగా ఇప్పటివరకు రూ. 400కోట్లకు పైగా కలెక్షన్లు సాధించిన ఈ సినిమా, థియేటర్లలో రద్దీ ఇంకా తగ్గకుండానే, డిజిటల్ స్ట్రీమింగ్ కు రెడీ అయ్యింది. వచ్చే నెల 8వ తేదీ నుండి ప్రముఖ ఓటిటి డిస్నీ ప్లస్ హాట్ స్టార్ లో విక్రమ్ సినిమా స్ట్రీమింగ్ కానుంది. ఈ మేరకు సదరు ఓటిటి సంస్థ అఫీషియల్ ఎనౌన్స్మెంట్ చేసింది. ఈ చిత్రంలో మక్కల్ సెల్వన్ విజయ్ సేతుపతి, ఫాహద్ ఫాజిల్ అలాగే హీరో సూర్య కీలక పాత్రల్లో నటించగా అనిరుద్ రవిచంద్రన్ సంగీతం అందించారు.
|
|