ఓటిటిలో విరాటపర్వం హవా... నెట్ ఫ్లిక్స్ ఇండియా #నెం. 1 లో ట్రెండింగ్
cinema | Suryaa Desk | Published : Mon, Jul 04, 2022, 02:55 PM
వేణు ఉడుగుల డైరెక్షన్లో రానా దగ్గుబాటి, సాయి పల్లవి జంటగా నటించిన చిత్రం "విరాటపర్వం". జూన్ 17న విడుదలైన ఈ చిత్రం సరిగ్గా రెండు వారాలకే అంటే జూలై 1వ తేదీ నుండి నెట్ ఫ్లిక్స్ ఓటిటిలో స్ట్రీమింగ్ కు వచ్చింది. 1990ల కాలంలో ఉత్తర తెలంగాణా విప్లవం బ్యాక్ డ్రాప్ లో నడిచే ఒక అందమైన ప్రేమకథగా దర్శకుడు వేణు ఈ సినిమాను తెరకెక్కించి, పలువురు సినీ క్రిటిక్స్, సినీ సెలెబ్రిటీల నుండి ప్రశంసలు అందుకున్నారు. కానీ, థియేటర్లో ఈ నక్సల్స్ ప్రేమకథను చూడటానికి ప్రేక్షకులు కరువయ్యారు.
కానీ, ఎప్పుడైతే ఈ సినిమా ఓటిటిలో స్ట్రీమింగ్ అవ్వడం స్టార్ట్ చేసిందో, అప్పటి నుండి వీక్షకులు ఈ సినిమాను తెగ చూస్తున్నారు. స్ట్రీమింగ్ స్టార్ట్ చేసిన మూడు రోజుల్లోనే నెట్ ఫ్లిక్స్ ఇండియా మూవీస్ టాప్ 1లో ట్రెండింగ్ లో కొచ్చింది. ఓవరాల్ నెట్ ఫ్లిక్స్ ఇండియా టాప్ 10 లో విరాటపర్వం సెకండ్ పొజిషన్ లో ఉంది. అదే రోజు స్ట్రేంజర్ థింగ్స్ సీజన్ 4 కూడా స్ట్రీమింగ్ కు రావడంతో విరాట పర్వం సినిమా సెకండ్ పొజిషన్ తో సరిపెట్టుకోవాల్సి వచ్చింది,కానీ, ఒకవేళ ఆ హాలీవుడ్ వెబ్ సిరీస్ లేకుంటే టాప్ 1 లో ఉండుండేది.
|
|