ట్రెండింగ్
అల్లుఅరవింద్ చేతికి లాల్ సింగ్ చద్దా తెలుగు రైట్స్
cinema | Suryaa Desk | Published : Tue, Jul 05, 2022, 12:24 PM
బాలీవుడ్ మిస్టర్ పర్ఫెక్ట్ ఆమీర్ ఖాన్ కొత్త చిత్రం లాల్ సింగ్ చద్దా. ఖాన్ తో కలిసి లాల్ సింగ్ చద్దా లో ఒక కీలక పాత్ర పోషించాడు అక్కినేని నాగ చైతన్య. అద్వైత్ చందన్ దర్శకత్వం వహించిన ఈ సినిమాని ఆమిర్ ఖాన్ ప్రొడక్షన్స్, వయాకామ్ 18స్టూడియోస్, పారామౌంట్ పిక్చర్స్ సంయుక్తంగా నిర్మించాయి. ఈ సినిమా హాలీవుడ్ క్లాసిక్ మూవీ ఫారెస్ట్ గంప్ (1994) కి ఇండియన్ రీమేక్. లీడ్ రోల్ లో ఆమీర్ నటించగా, ఆయనకు జతగా కరీనా కపూర్ ఖాన్ నటించింది.
పాన్ ఇండియా భాషల్లో ఆగస్టు 11న విడుదలవబోతున్న ఈ మూవీ తెలుగు థియేట్రికల్ హక్కులను ప్రముఖ టాలీవుడ్ నిర్మాణ సంస్థ గీతా ఆర్ట్స్ అధినేత అల్లు అరవింద్ ఫ్యాన్సీ రేట్ కు చేజిక్కించుకున్నారని టాక్. ఈమేరకు త్వరలోనే అధికారిక ప్రకటన రానుందట.
|
|