"రామారావు ఆన్ డ్యూటీ" కి ఒరిజినల్ టైటిల్ ఏంటో తెలుసా...?
cinema | Suryaa Desk | Published : Thu, Jul 07, 2022, 06:51 PM
గోపీచంద్ మలినేని డైరెక్షన్లో చేసిన "క్రాక్" సినిమాతో రవితేజ అప్పటి వరకు తనను పట్టిపీడిస్తున్న అపజయాల నుండి కాస్త ఊపిరి పీల్చుకున్నాడు. క్రాక్ విజయాన్ని "ఖిలాడీ" తో కొనసాగించాలనుకున్న రవితేజ ఆశలు అడియాసలే అయ్యాయి. ఖిలాడీ సినిమా ప్రేక్షకుల అంచనాలను అందుకోవడంలో పూర్తిగా విఫలమైంది. దీంతో ఈసారి ఎలా అయినా హిట్ కొట్టి తీరాలని రామారావు ఆన్ డ్యూటీ, ధమాఖా, టైగర్ నాగేశ్వరరావు చిత్రాలపై రవితేజ పూర్తి ఫోకస్ పెట్టాడు.
కొత్త దర్శకుడు శరత్ మండవ డైరెక్షన్లో రవితేజ నటిస్తున్న చిత్రం "రామారావు ఆన్ డ్యూటీ". ఈ చిత్రంలో 'మజిలీ' ఫేమ్ దివ్యాన్ష కౌశిక్, రజీషా విజయన్ హీరోయిన్లుగా నటిస్తున్నారు. శ్రీ లక్ష్మీ వెంకటేశ్వర సినిమాస్, RT టీం వర్క్స్ బ్యానర్ లపై సుధాకర్ చెరుకూరి నిర్మిస్తున్న ఈ చిత్రం జూలై 29న ప్రేక్షకుల ముందుకు రాబోతుంది. ఇందులో రవితేజ "రామారావు" అనే సబ్ కలెక్టర్ గా నటిస్తున్నారు. మోస్ట్ పవర్ఫుల్ గవర్నమెంట్ సర్వెంట్ రోల్ చుట్టూ ఈ మూవీ స్టోరీ తిరగడంతో ముందుగా ఈ సినిమాకు "గవర్నమెంట్ ఆన్ డ్యూటీ" అనే టైటిల్ ను పెడదామనుకున్నారట. చివరాఖరికి ఆ టైటిల్ కాస్తా "రామారావు ఆన్ డ్యూటీ" గా మారింది.
|
|