పాకిస్థాన్ పై "మేజర్" ట్రెమండస్ ఎట్టాక్... !!
cinema | Suryaa Desk | Published : Fri, Jul 08, 2022, 11:25 AM
అడవిశేష్ లీడ్ రోల్ పోషించిన "మేజర్" చిత్రం భారతదేశ ప్రజలను ఎంతగా కదిలించిందో ప్రత్యేకంగా చెప్పాల్సిన అవసరం లేదు. ప్రీమియర్ షోల నుండే పాజిటివ్ మౌత్ టాక్ ను తెచ్చుకున్న ఈ మూవీ జూన్ 3వ తేదీన విడుదలై సరిగ్గా వారానికే లాభాల బాట పట్టింది. 'గూఢాచారి' ఫేమ్ శశికిరణ్ తిక్కా డైరెక్షన్లో, 2008 ముంబై దాడుల్లో వీరమరణం పొందిన మేజర్ సందీప్ ఉన్నికృష్ణన్ బయోపిక్ గా తెరకెక్కిన ఈ సినిమా, దేశప్రజలందరి హాట్ ఫేవరెట్ గా నిలిచింది.
రీసెంట్గా నెట్ ఫ్లిక్స్ లో స్ట్రీమింగ్ కొచ్చిన మేజర్, అక్కడ కూడా విశేష స్పందన తెచ్చుకుంది. నెట్ ఫ్లిక్స్ ఇండియా మూవీస్ లిస్ట్ లో మొదటి రెండు (హిందీ, తెలుగు) స్థానాలను కైవసం చేసుకుంది. తాజాగా మేజర్ సినిమా పాకిస్థాన్ లో కూడా హవా చాటుతుంది. నెట్ ఫ్లిక్స్ పాకిస్థాన్ టాప్ మూవీస్ లో మేజర్ టాప్ పొజిషన్ లో సత్తా చాటుతుంది. పాకిస్థాన్ ఉగ్రవాదులను అంతమొందించే క్రమంలో తన ప్రాణాలను పణంగా పెట్టి ఎందరో అమాయక భారతీయ ప్రజలను కాపాడిన మేజర్ కు పాకిస్థాన్ లో దక్కిన అరుదైన గౌరవం ఇది. ఒక్క పాకిస్థాన్ లోనే కాక శ్రీలంక, బంగ్లాదేశ్ వంటి దేశాల్లో కూడా నెట్ ఫ్లిక్స్ మూవీస్ లిస్ట్ లో మేజర్ టాప్ రేంజులో ఉండడం విశేషం.
|
|