ప్రభాస్ "ప్రాజెక్ట్ కే" కి "అవెంజర్స్" కి ఉన్న లింకేంటబ్బా...!
cinema | Suryaa Desk | Published : Sat, Jul 09, 2022, 06:32 PM
డార్లింగ్ ప్రభాస్ ను "ప్రాజెక్ట్ కే"తో పాన్ వరల్డ్ స్థాయికి తీసుకెళ్ళబోతున్నాడు డైరెక్టర్ నాగ్ అశ్విన్. వరల్డ్ సినిమా అంటే కంటెంట్, విజువల్స్ కూడా ఆరేంజులోనే ఉండాలి కదా... కంటెంట్ కు సంబంధించిన పూర్తి బాధ్యత నాగ్ అశ్విన్ దే అని క్లియర్ గా తెలుస్తుంది. ఇక, విజువల్స్ విషయానికి వస్తే, వరల్డ్ లోనే ది బెస్ట్ టెక్నాలజీని ఈ సినిమా కోసం ఉపయోగిస్తున్నారని తెలుస్తుంది.
హాలీవుడ్ ఆల్ టైం బ్లాక్ బస్టర్ క్లాసిక్స్ గా నిలిచిన గాడ్జిల్లా, అవెంజర్స్, కింగ్ కాంగ్ సినిమాలకు ఉపయోగించిన అర్రి అలెక్సా 65 ను తొలిసారి ఒక ఇండియన్ సినిమాకు ఉపయోగించబోతున్నారంట. ఆ ఇండియన్ సినిమానే ప్రాజెక్ట్ కే. అర్రి అలెక్సా 65 కెమెరాతో హై ఎండ్ మోషన్ పిక్చర్స్ ను కాప్చర్ చెయ్యవచ్చు. సైంటిఫిక్ ఫిక్షన్ డ్రామాగా రూపొందుతున్న ఈ సినిమాలో ప్రేక్షకులు అద్భుతమైన ఊహాజనిత అనుభూతిని పొందేందుకుగాను ప్రాజెక్ట్ కే మేకర్స్ విదేశాల నుండి ఈ కెమెరాను స్పెషల్ గా తెప్పించి, దాంతో కొన్ని కీలక సన్నివేశాలను షూట్ చెయ్యబోతున్నారంట. ఇప్పటికే ఇందుకు సంబంధించిన టెక్నిషియన్స్ ఇండియాలో కాలుపెట్టారంట. పోతే... ఈ కెమెరా ఖరీదెంతో తెలుసా... అక్షరాలా 8 కోట్లు.
తెలుగు, హిందీ భాషల్లో ఏకకాలంలో షూటింగ్ జరుపుకుంటున్న ఈ మూవీలో ప్రభాస్ కు జోడిగా దీపికా పదుకొణె, కీలక పాత్రల్లో బిగ్ బి అమితాబ్ బచ్చన్, దిశా పటాని నటిస్తున్నారు.
|
|