పూజాహెగ్డే నెలరోజుల లాంగ్ వెకేషన్...కారణం?
cinema | Suryaa Desk | Published : Sat, Jul 09, 2022, 07:23 PM
టాలీవుడ్ డస్కీ సైరెన్ పూజాహెగ్డే సోషల్ మీడియాలో ఎంత చురుగ్గా ఉంటుందో అందరికి తెలుసు. తన సినిమాలకు సంబంధించిన అప్డేట్లు, పర్సనల్ విషయాలు అన్ని సోషల్ మీడియా ద్వారా అభిమానులతో పంచుకుంటుంది.
తాజాగా ఆమె బ్యాంకాక్ వెకేషన్ కెళ్తున్న ఫోటోను షేర్ చేసి, తన లాంగ్ వెకేషన్ ప్లాన్ గురించి ఫ్యాన్స్ తో పంచుకుంది. నెలరోజుల్లో, 3 కాంటినెంట్స్, 4 సిటీలు...లెట్స్ గో ...అంటూ కామెంట్ చేసి, ఎయిర్పోర్ట్లో దిగిన ఫోటోను ఇంస్టాగ్రామ్లో పోస్ట్ చేసింది.
టాప్ హీరోయిన్ అయ్యుండి, నెల రోజుల లాంగ్ వెకేషన్ వేసేంత తీరిక పూజా కెక్కడిదబ్బా అని ఫ్యాన్స్ అయోమయానికి గురవుతున్నారు. పూజా హీరోయిన్ గా నటించే తెలుగు చిత్రం SSMB 28 షూటింగ్ ఆగస్టులో ప్రారంభమవబోతుంది. సల్మాన్ తో పూజా నటిస్తున్న "కభీ ఈద్ కభీ దివాళి" షూటింగ్ లో ప్రస్తుతానికి పూజా రోల్ అవసరం లేదు. ఇక, విజయ్ దేవరకొండ - పూరీజగన్నాధ్ "JGM" ఇటీవలే ఒక షెడ్యూల్ ముగిసింది, పవన్ కళ్యాణ్ - హరీష్ శంకర్ "భవదీయుడు భగత్ సింగ్" ఇంకా పట్టాలెక్కనే లేదు. దీంతో కాస్తంత ఖాళీసమయం దొరికిన పూజా వెంటనే విహారయాత్రకు చెక్కేసింది.
|
|