విశాల్ "లాఠీ" మూవీ విడుదల వాయిదా...?
cinema | Suryaa Desk | Published : Tue, Jul 12, 2022, 04:30 PM
వరస ఫ్లాప్స్ తో కెరీర్ డౌన్ స్టేజిలో ఉన్న కోలీవుడ్ స్టార్ హీరో విశాల్ కు డిటెక్టివ్, అభిమన్యుడు వంటి చిత్రాలు తిరిగి సక్సెస్ ట్రాక్ ను ఎక్కించాయి. తాజాగా ఆయన నటిస్తున్న కొత్త చిత్రం "లాఠీ". ఏ. వినోద్ కుమార్ డైరెక్షన్లో ఔటండౌట్ యాక్షన్ ఎంటర్టైనర్ గా తెరకెక్కుతున్న ఈ చిత్రంలో విశాల్ పవర్ఫుల్ పోలీసాఫీసర్ గా నటిస్తున్నారు. రానా ప్రొడక్షన్స్ బ్యానర్ పై రమణ నందా నిర్మిస్తున్న ఈ సినిమాలో హీరోయిన్ గా సునయన నటిస్తుంది. సామ్ సిఎస్ సంగీత దర్శకుడిగా పనిచేస్తున్నారు.
తమిళంతో పాటు, తెలుగు, హిందీ, కన్నడ భాషల్లో ఆగస్టు 12న థియేటర్లలో ఈ సినిమా విడుదల కావాల్సి ఉంది కానీ, VFX పనులు ఆలస్యమవుతుండడంతో సినిమా వాయిదా పడే అవకాశం ఉన్నట్టు తెలుస్తుంది. అదీకాక, లాఠీ షూటింగ్ సమయంలో విశాల్ ప్రమాదానికి గురై గాయాలపాలయ్యాడు. ప్రస్తుతం రెస్ట్ మోడ్ లో ఉన్న విశాల్ తిరిగి కోలుకుని, షూటింగ్ లో పాల్గొనేందుకు కాస్త సమయం పట్టే అవకాశం ఉంది. దీంతో ఈ మూవీ రిలీజ్ ను సెప్టెంబర్ 15కు వాయిదా వెయ్యాలని మేకర్స్ నిర్ణయించుకున్నారట. త్వరలోనే ఇందుకు సంబంధించిన అధికారిక ప్రకటన వెలువడనుందని టాక్.
|
|