యాంకర్ శ్యామలపై RGV ఫైర్..! తప్పైపోయిందంటూ సారీ...!
cinema | Suryaa Desk | Published : Thu, Jul 14, 2022, 10:27 AM
క్రియేటివ్ డైరెక్టర్ రామ్ గోపాల్ వర్మ కొన్నాళ్ల క్రితం ఒక మూవీ ఈవెంట్ లో యాంకర్ శ్యామలపై చేసిన కొన్ని వ్యాఖ్యలు బాగా వైరల్ అయ్యాయి. ఆమె అందాన్ని ఒక రేంజులో పొగిడేస్తూ, ఇన్నాళ్లు నా కంట పడకుండా ఎలా ఉన్నావంటూ? శ్యామలను గురించి ఆర్జీవీ కామెంట్ చేసారు.
ఆ విషయం పక్కన పెడితే, నిన్న జరిగిన RGV కొత్త సినిమా "లడ్కి" ప్రీ రిలీజ్ ఈవెంట్ కు శ్యామల హోస్ట్ గా వ్యవహరించింది. లడ్కి తొలి ఇండియన్ మార్షల్ ఆర్ట్స్ బేస్డ్ మూవీ కావడంతో ఆ కాన్సెప్ట్ మీద RGV తో ఒక చిన్న గేమ్ ఆడిద్దామనుకుంది. వేరే భాషల్లో తెరకెక్కిన మార్షల్ ఆర్ట్స్ బేస్డ్ మూవీస్ నేమ్స్ ను హింట్ రూపంలో శ్యామల తెలుగులో చెప్తే, RGV ఆ మూవీ నేమ్ ను గెస్ చెయ్యాలన్నమాట. ఈ మేరకు శ్యామల చంపు-రసీదు (కిల్ బిల్)మూవీ నేమ్ ఏంటి అని అడగ్గా, అందుకు ఆయన సమాధానం చెప్పలేకపోతాడు. వెంటనే "ఇదొక సీరియస్ ఎమోషనల్ సినిమా... ఇలాంటి సిల్లీ గేమ్స్ నాతో ఆడొద్దు" అంటూ వార్నింగ్ ఇచ్చి వెళ్ళిపోతాడు. తదుపరి శ్యామల RGV కి సారీ చెప్తుంది. ఈవెంట్ లో ఈ సన్నివేశం ఇంటరెస్టింగ్ గా సాగింది. పోతే, లడ్కి సినిమా జూలై 15 అంటే రేపు ప్రపంచవ్యాప్తంగా థియేటర్లలో విడుదల కాబోతుంది.
|
|