కిరణ్ అబ్బవరం బర్త్ డే ట్రీట్... "VBVK" ఫస్ట్ గ్లిమ్స్ ఔట్
cinema | Suryaa Desk | Published : Thu, Jul 14, 2022, 05:13 PM
సెబాస్టియన్ పీసీ, సమ్మతమే సినిమాలతో బ్యాక్ టు బ్యాక్ ఫ్లాప్స్ అందుకున్న యంగ్ హీరో కిరణ్ అబ్బవరం తదుపరి ఒకేసారి మూడు సినిమాలను ఎనౌన్స్ చేసాడు. రూల్స్ రంజన్, నేను మీకు బాగా కావాల్సిన వాడిని, వినరో భాగ్యము విష్ణు కథ... ప్రస్తుతం కిరణ్ చేతిలో ఉన్న సినిమాలు.
గీత ఆర్ట్స్ 2 బ్యానర్లో అల్లు అరవింద్ నిర్మిస్తున్న"వినరో భాగ్యము విష్ణు కథ" సినిమాలో కాశ్మీర హీరోయిన్ గా నటిస్తుండగా,మురళీ కిషోర్ అబ్బూరు దర్శకత్వం వహిస్తున్నారు. చేతన్ భరద్వాజ్ సంగీతం అందిస్తున్నారు. కొన్నిరోజులుగా రెగ్యులర్ షూటింగ్ జరుపుకుంటున్న ఈ మూవీ నుండి కొంచెం సేపటి క్రితమే వీడియో గ్లిమ్స్ విడుదలైంది. ఇందులో విష్ణు అనే తిరుపతి యువకుడిగా కిరణ్ నటిస్తున్నాడు. టీజర్ ఆహ్లాదకరంగా సాగింది. "ఏడు వింతల గురించి పెద్దగా తెలియదు కానీ, ఏడు కొండలు చుట్టూ మా జీవితాలు తిరుగుతూ ఉంటాయి"..అని కిరణ్ చెప్పే డైలాగ్ చాలా నాచురల్ గా, ప్రేక్షకులకు కనెక్ట్ అయ్యే విధంగా ఉంది. ఈ టీజర్ ప్రేక్షకుల్లో పాజిటివ్ వైబ్స్ కలిగిస్తుంది. ముఖ్యంగా ఇందులో కిరణ్ మాస్ యాంగిల్ ఆకట్టుకుంటుంది. పోతే, రేపు పుట్టినరోజును జరుపుకుంటున్న తమ హీరో విష్ణు కు పుట్టిన రోజు శుభాకాంక్షలను తెలుపుతూ, మేకర్స్ ఈ వీడియో గ్లిమ్స్ ను రిలీజ్ చేసారు.
|
|