మాస్ రాజా కెరీర్లో బెస్ట్ ..."రామారావు ఆన్ డ్యూటీ" టైటిల్ సాంగ్
cinema | Suryaa Desk | Published : Sat, Jul 23, 2022, 10:50 AM
మాస్ రాజా రవితేజ నటిస్తున్న కొత్త చిత్రం "రామారావు ఆన్ డ్యూటీ". శరత్ మండవ దర్శకత్వంలో రూపొందుతున్న ఈ చిత్రంలో మజిలీ ఫేమ్ దివ్యాన్ష కౌశిక్, రజీషా విజయన్ హీరోయిన్లుగా నటిస్తున్నారు. వాస్తవానికి ఈ సినిమా ప్రపంచవ్యాప్తంగా జూన్ 17న విడుదల కావాల్సివుంది కానీ, కొన్ని కారణాల వల్ల జూలై 29కి వాయిదా పడింది. ఇప్పటివరకు విడుదలైన టీజర్, లిరికల్ సాంగ్స్ మంచి బజ్ క్రియేట్ చేయగా, ఇటీవల విడుదలైన ట్రైలర్ కు ప్రేక్షకుల నుండి విశేష స్పందన వస్తుంది.
RT టీం వర్క్స్ బ్యానర్ లపై సుధాకర్ చెరుకూరి నిర్మిస్తున్నఈ చిత్రం నుండి తాజాగా టైటిల్ సాంగ్ రిలీజ్ అయ్యింది. "కింగ్ ఆఫ్ ది క్రౌడ్" అని సాగే ఈ ఇంగ్లిష్ పాటను లవితా లోబో ఆలపించారు. విశేషమేంటంటే, ఈ పాటకు డైరెక్టర్ శరత్ మండవ సాహిత్యం అందించారు. పవర్ఫుల్ మ్యూజిక్ కి అంతకన్నా పవర్ఫుల్ లిరిక్స్ తోడవ్వడం, దీనికి తోడు రవితేజ మాస్ అప్పీయరెన్స్ కలిపి ఈ పాట వినడానికి, చూడటానికి కూడా చాలా బాగుంది. రవితేజ కెరీర్లో ది బెస్ట్ టైటిల్ సాంగ్ అని చెప్పవచ్చు.
|
|