'గాడ్ ఫాదర్' సినిమా గురించిన లేటెస్ట్ అప్డేట్
cinema | Suryaa Desk | Published : Sat, Jul 23, 2022, 03:23 PM
మోహన రాజా దర్శకత్వంలో టాలీవుడ్ మెగా స్టార్ చిరంజీవి ఒక సినిమా చేస్తున్న సంగతి అందరికి తెలిసిందే. ఈ సినిమాకి "గాడ్ ఫాదర్" అనే టైటిల్ ని మూవీ మేకర్స్ లాక్ చేసారు. ఈ సినిమా మలయాళంలో "లూసిఫర్" సినిమాకు రీమేక్. గాడ్ ఫాదర్ సినిమా ఆగస్ట్ నెలాఖరులో లేదా సెప్టెంబర్ తొలివారంలో విడుదలవుతుందని ఇటీవల చిరంజీవి వెల్లడించారు. పొలిటికల్ డ్రామా ట్రాక్ లో రానున్న ఈ సినిమాలో చిరంజీవి సోదరిగా లేడీ సూపర్ స్టార్ నయనతార నటిస్తోందని సమాచారం. తాజా అప్డేట్ ప్రకారం, ప్రస్తుతం మూవీ మేకర్స్ ఈ సినిమా క్లైమాక్స్కు సంబంధించిన హై-ఆక్టేన్ యాక్షన్ సన్నివేశాలను చిత్రీకరిస్తున్నారు. ఈ క్లైమాక్స్ షూటింగ్లో చిరంజీవి, సల్మాన్ఖాన్లు పాల్గొంటున్నట్లు సమాచారం. ఈ సినిమాలో బాలీవుడ్ స్టార్ హీరో సల్మాన్ ఖాన్ కీలక పాత్రలో కనిపించనున్నాడు. ఈ ప్రాజెక్ట్ గురించి మరిన్ని వివరాలు మేకర్స్ త్వరలో వెల్లడి చేయనున్నారు.
|
|