SSMB 28: త్రివిక్రమ్ కెరీర్ హైయెస్ట్ రెమ్యునరేషన్ ..!!
cinema | Suryaa Desk | Published : Sat, Jul 23, 2022, 06:09 PM
టాలీవుడ్ ఎవర్ గ్రీన్ కాంబో సూపర్ స్టార్ మహేష్ బాబు- త్రివిక్రమ్ ల క్రేజీ మూవీ ఈ ఆగస్టు నుండి ప్రారంభం కాబోతుందని ఇటీవలే మేకర్స్ అధికారికంగా ఎనౌన్స్ చేశారు. మాక్జిమం ఆగస్టు రెండవ వారం నుండి అదికూడా మహేష్ బర్త్ డే ఆగస్టు 9వ తేదీ నుండి షూటింగ్ స్టార్ట్ కావొచ్చని వినికిడి. దీంతో తమ అభిమాన హీరో, ఆయన అభిమాన డైరెక్టర్ తో చెయ్యబోయే సినిమా ఇంకొన్ని రోజుల్లోనే మొదలుకాబోతుందని సూపర్ స్టార్ అభిమానులు పండగ చేసుకుంటున్నారు.
అతడు, ఖలేజా తదుపరి దాదాపు పదకొండేళ్ల విరామం తర్వాత వీరి కాంబోలో రాబోతున్న సినిమా కావడంతో ఈ సినిమాపై అటు పరిశ్రమలో, ఇటు ప్రేక్షకుల్లో భారీ అంచనాలు ఉన్నాయి. లేటెస్ట్ అప్డేట్ ప్రకారం, ఈ సినిమా కోసం త్రివిక్రమ్ భారీ పారితోషికాన్ని అందుకోబోతున్నారట. కెరీర్ లో హైయెస్ట్ రెమ్యునరేషన్ రూ. 15 కోట్లు ఈ సినిమా కోసం డిమాండ్ చేస్తున్నాడట మాటల మాంత్రికుడు.
ఈ సినిమాలో పూజాహెగ్డే హీరోయిన్ కాగా, తమన్ సంగీతం అందిస్తున్నారు. హారిక అండ్ హాసిని క్రియేషన్స్ బ్యానర్ పై మమత ఈ సినిమాను సమర్పిస్తున్నారు.
|
|