లవర్ బాయ్ ఇమేజ్ కు దూరమవుతున్న దుల్కర్ ..!!
cinema | Suryaa Desk | Published : Tue, Jul 26, 2022, 01:35 PM
మలయాళ స్టార్ హీరో దుల్కర్ సల్మాన్ కు ప్రేక్షకుల్లో రొమాంటిక్ హీరో, లవర్ బాయ్ ఇమేజ్ ఉంది. ఇప్పటివరకు ఆయన నటించిన సినిమాలన్నీ కూడా ప్రేమకధా చిత్రాలే అవ్వడం అందుకు కారణం. తాజాగా ఆయన లవర్ బాయ్ ఇమేజ్ ను పక్కన పెట్టబోతున్నట్టు తెలుస్తుంది.
దుల్కర్ తొలిసారి తెలుగులో నటిస్తున్న "సీతారామం" ట్రైలర్ లాంచ్ ఈవెంట్ లో ఆసక్తికర వ్యాఖ్యలు చేసాడు. లవర్ బాయ్ ఇమేజ్ పై చిరాకు వచ్చిందని, ఇకపై ప్రేమ కధా చిత్రాలు చెయ్యకూడదని నిర్ణయించుకున్న తరుణంలోనే తన వద్దకు హను వచ్చాడని, అద్భుతమైన సీతారామం స్క్రిప్ట్ ను వినిపించాడని చెప్పాడు. సీతారామం స్క్రిప్ట్ బాగా నచ్చడంతో హనుకు నో చెప్పలేకపోయిన దుల్కర్ ఇక ఇదే.. లాస్ట్ లవ్ స్టోరీ... ఇకపై ఎట్టి పరిస్థితుల్లోనూ ఇలాంటి సినిమాల్లో నటించకూడదని గట్టి నిర్ణయం తీసుకున్నాడట.
వైజయంతి మూవీస్ నిర్మాణంలో హృద్యమైన ప్రేమ కావ్యంగా రూపొందిన ఈ చిత్రంలో మృణాల్ ఠాకూర్ హీరోయిన్. రష్మిక మండన్నా, సుమంత్, భూమిక, తరుణ్ భాస్కర్, గౌతమ్ వాసుదేవ్ మీనన్ కీలక పాత్రలు పోషిస్తున్నారు. తెలుగు, మలయాళం, తమిళ భాషలలో ఆగస్టు 5న ఈ సినిమా విడుదల కాబోతుంది.
|
|