రాజమౌళితో ...రస్సో బ్రదర్స్ భేటీ..!
cinema | Suryaa Desk | Published : Sat, Jul 30, 2022, 12:26 PM
అవెంజర్స్ - ఇన్ఫినిటీ వార్, ఎండ్ గేమ్ వంటి వరల్డ్ టాప్ క్లాస్ సినిమాలను తెరకెక్కించిన రస్సో బ్రదర్స్ రీసెంట్గా ఇండియన్ టాప్ క్లాస్ డైరెక్టర్ రాజమౌళితో ప్రత్యేకంగా భేటీ అయ్యారు. ప్రముఖ ఓటిటి నెట్ ఫ్లిక్స్ సంస్థ ఏర్పాటు చేసిన వర్చ్యువల్ కాన్ఫెరెన్స్ లో రాజమౌళి రస్సో బ్రదర్స్ తో ముచ్చటించారు. నెట్ ఫ్లిక్స్ నిర్మాణసారధ్యంలో రస్సో బ్రదర్స్ డైరెక్ట్ చేసిన ది గ్రే మాన్ ఇటీవలే విడుదలయ్యింది. ఈ మూవీ ప్రమోషన్స్ లో భాగంగా నెట్ ఫ్లిక్స్ రాజమౌళితో సమావేశం ఏర్పాటు చేసారు. ఈ సమావేశంలో ఈ డైరెక్టర్లు తమకు ఎంతో ఇష్టమైన, రీసెంట్గా వరల్డ్ వైడ్ ప్రేక్షకుల హాట్ ఫేవరెట్ గా మారిన యాక్షన్ జోనర్ గురించి డిస్కస్ చేసారు. ఈ సందర్భంగా రాజమౌళి మాట్లాడుతూ... RRR కు వెస్ట్ నుండి ఇంత భారీ రెస్పాన్స్ వస్తుందని తాను అసలు అనుకోలేదని, వెస్ట్ వాళ్ళ అభిరుచికి తగ్గట్టు తాను సినిమాలు చెయ్యగలనని అనుకోవట్లేదని, నిజంగా వారికి RRR నచ్చిందంటే, చాలా సంతోషంగా ఉంది ... అని చెప్పారు.
|
|