జక్కన్నకు బింబిసార నచ్చలేదా... ??
cinema | Suryaa Desk | Published : Tue, Aug 16, 2022, 04:50 PM
టాలీవుడ్ టాప్ డైరెక్టర్ మాత్రమే కాక భారతదేశపు నెంబర్ వన్ డైరెక్టర్ గా పేరు గాంచిన ఎస్ ఎస్ రాజమౌళి ఇటీవలే నందమూరి కళ్యాణ్ రామ్ నటించిన "బింబిసార" మూవీని చూసారు. హైదరాబాద్ లోని ఒక థియేటర్లో రాజమౌళి , ఆయన భార్య రమా, ఎం. ఎం. కీరవాణి భార్య బింబిసార సినిమా చూసి బయటకొస్తున్న కొని విజువల్స్, ఫోటోలు సోషల్ మీడియాలో హల్చల్ చేసిన విషయం తెలిసిందే.
ఆగస్టు 5వ తేదీన విడుదలైన బింబిసార సినిమాకు ప్రేక్షకులు బ్రహ్మరధం పడుతున్నారు. కొత్త దర్శకుడు వసిష్ఠ తెరకెక్కించిన ఈ సోసియో ఫాంటసీ మూవీ పట్ల తెలుగు ప్రేక్షకులు విశేష ఆదరణ కనబరుస్తున్నారు. చూసిన ప్రతి ఒక్కరు కూడా సినిమాను, కళ్యాణ్ రామ్ నటనను, డైరెక్టర్ టేకింగ్ ను ఒకరేంజులో పొగిడేస్తున్నారు. కొంతమంది సినీతారలు కూడా బింబిసార మూవీ చాలా బాగుందని ట్వీట్ చేసారు కూడా.
మరి, బింబిసార మూవీని చూసిన రాజమౌళి ఇప్పటివరకు తన అభిప్రాయాన్ని షేర్ చేసుకోకపోవడం పట్ల ఫ్యాన్స్ నిరాశను వ్యక్తం చేస్తున్నారు. కిచ్చా సుదీప్ విక్రాంత్ రోణ రిలీజ్ సమయంలో ఆ టీం కు బెస్ట్ విషెస్ తెలుపుతూ, రాజమౌళి ట్వీట్ చేసినప్పుడు, మన తెలుగు సినిమా చూసి కూడా రిప్లై పెట్టకపోవడమేంటని అందరూ ఆశ్చర్యపోతున్నారు. ఒక వేళ రాజమౌళికి బింబిసార నచ్చలేదా? అందుకే ఎలాంటి రిప్లై ఇవ్వలేదా? అని కూడా కొంతమంది అనుమానిస్తున్నారు.
|
|